الصراحة قرأت قصص حب كتير هنا معظمها مكرر تقريبا وفيها شوية قصص طفولية وعلى النقيض فيها قصص مليانة احساس حقيقي وصادقة فقولت احكي انا كمان قصة بس بفرفشة من غير اكتئاب مع انها قصة ملعبكة اوي هههههههههههههههههه
بدأت القصة لما جت س وهي كويتية الجنسية لرحلة عمل ونزلت في فندق في شرم الشيخ واتعرفت عليها في الوقت دا
س كانت بنت دلوعة اوي وعايشة في ترف بس الصراحة كنت بموت في دلعها وطريقة كلامها و بعدين ارتبطنا لدرجة اننا تقريبا بنتكلم يوميا 18 ساعة من ساعة ما نصحى واحنا في الشغل واحنا بناكل مكناش بنسيب بعض غير ساعة النوم ولما نصحى نتكلم وكأننا لاول مرة بنتكلم من كتر الاشتياق
طبعا دا كان عبر الهاتف والانترنت لانها رجعت بلدها بعد 10 ايام في مصر
لحد هنا حلو اوي
س كان ليها واحدة صاحبتها " ص " هي كانت مصرية بس بنت جميلة جدا الحقيقة تقريبا اجمل بنت عرفتها وكنت بدلعها بقطتي علشان هي رسمة عنيها كانت شبة القطط السيامي
المهم في يوم مش لطيف اختلفت انا و " س " على طريقة اللبس خصوصا ان الموضوع كان جد وكنت ناوي اشوف اي سفرية للكويت علشان ارتبط بيها بس كان ناقص تظبط لبسها شوية بس هي كانت معاندة في الحجاب
ومن هنا لهنا اتخانقنا واتنكدنا
مين دخل طرف في الموضوع " ص " بس نسيت اقولكم ان " ص " مكنتش تعرف علاقتي ب " س " الكويتية صاحبتها الا انها مجرد علاقة صداقة
ولما اتصلت تسلم عليا ولقتني متنكد قعدت تلح عليا احكيلها الي حصل وبعد فترة قررت اعترفلها بعلاقتي ب " س " وهنا كانت المفاجأة لاني لقيت " ص " بتعيط !! وبتلومني اني خبيت عليها علاقتي ب " س "
ومن هنا لهنا اكتشفت ان " ص " بتحبني
لا انا مفرحتش اوي لان الدنيا كدا اتلخبطت خالص
بعد فترة من السكون علاقتي اتدهورت اكتر ب " س " وقررنا الانفصال وهنا بقى لقيت حضن " ص " مفتوحلي على اخرة و مع الوقت حسيت اني بقيت احب " ص " خصوصا انها مصرية زيي وفهماني والصراحة هي الوحيدة الي حسيت انها فعلا فهماني لدرجة ان عيد ميلادنا كان الفرق بينه يومين يعني نفس البرج و كانت بتفهمني حتى من نبرة صوتي
مع الوقت اندمجت انا و " ص " جدا وتقريبا كدا نسيت " س " لغاية لما بعتتلي رسالة بتقول انها عرفت علاقتي ب " ص " وبتتمنالي التوفيق معاها
ههههههههههههههههههههههههههههههههههه
عادي بقى هعمل ايه يعني المهم قضيت وقتي جميل جدا مع " ص " بس المشكلة اني مكنش ينفع ارتبط ب " ص " اطلاقا لاسباب وجيهة جدا
وبعدين قعدنا نتفق على الانفصال وطبعا دي كانت ابشع لحظات بس انا اصلا كنت متعود من ايام 3 ثانوي على الحب والفراق يعني مش جديد عليا ولذلك تقبلت الامر بصدر رحب جدا ههههههههههههههههههه
بس بقيت اكتر جمود وبرود مش اكتر
الجديد ان " ص " عزمتني على فرحها القريب وبفكر اروح
ملحوظة :في شوية تفاصيل مكتبتهاش ودا علشان وقت القارئ اولا
ثانيا انها متهمش القارئ اوي
ثالثا خاصة شوية
وشكرا
كيموتوب
