نجوم مصرية
منتديات نجوم مصرية المنتدى العام منتدى الحوار العام

تابع نجوم مصرية على أخبار جوجل

تابع نجوم مصرية على تطبيق نبض الإخباري



الحلقه الاولى من برنامج هات من الاخر

 

السلام عليكم ورحمه الله وبركاته

اعزائى المشاهدين فى كل مكان اهلا وسهلا بيكم فى اولى حلقات برنامجنا هات من الاخر وبرنامجنا يتكون من فقره طرح القضيه وفقره استضافه نجم لكل حلقه وده بيكون فى النصف من الحلقه وحلقه اليوم بعنوان ( عالم الانترنت ) واليوم لن نتكلم عن الانترنت كتفاصيل ومعلومات عنه ولكن نتحدث عنه بما انه تكنولوجيا اثرت فينا بل هو قنبله التكنولوجيا الحديثه ولكن سوال يطرح نفسه وهذا بطرحه لكل مشاهدينا الاعزاء ما هى فائده النت ؟ النت كان سبب فى توسيع عمليه العولمه واصبح العالم بالانترنت اصغر ووسائل الاتصال اسرع ومتتطوره عن التليفون وغير ذلك سهل علينا طرق البحث عن المعلومات التى نريدها عن طريق محركات البحث ومدى قمه نجاح الانترنت ظهور ظاهره ادمان الانترنت فبينى وبينكم الان نجد الشباب من الممكن ان تظل يوم كامل امام الانترنت بل البعض يعيش فى عالم النت عن الواقع ولكن الاهم الان هل النت كله مفيد طبعا يا احبابى لا شى فى الدنيا كله مفيد فبعد ان وضحنا بعض مزايا الانترنت نشهد عيوبه مثل المواقع الاباحيه وايضا ادمانه يشغلنا عن العمل فى الواقع وقضيه الشات والخداع الذى يحدث فيه وايضا ما يهمنا من عالم الانترنت هو انك تحصل على المال من خلال النت وده كان شى خيالى بقى النت الى انا بعشقه ممكن اكسب منه فلوس نعم وبطرق كثيره اشرها خدمه جوجل ادسنس لدرجه ان البعض يكسب الملايين من خلال النت ولا يحتاج الى العمل الخارجى وبعد ان وضحنا بعض امور الانترنت وطبعا ينقصنا الكثير ولكن من اجل وقت الحلقه وكمان اعطى لاحبابى فرصه فى التعبير عن رايهم فى النت وافادتنا عن المعلومات الناقصه منا وهذه ميزه تميز برنامجنا اننا نتيح للمشاهدين مناقشتنا غير ذلك افضل رد على موضوعنا اليوم له جائزه ميدليه من منتدانا سوف اعلن عنها فى بدايه الحلقه القادمه

فاصل ونلتقى مع نجم الليله abdobasha




تابع نجوم مصرية على أخبار جوجل

تابع نجوم مصرية على تطبيق نبض الإخباري




المقال "الحلقه الاولى من برنامج هات من الاخر" نشر بواسطة: بتاريخ:
abdobasha
انا جيييييت
حريف كورة
وانا موجود
اجتماعى اخر حاجه
عودنا من الفاصل

كل مشاهدى برنامج هات من الاخر عودنا والان من الفقره الثانيه من برنامجنا الليله والان مع نجم حلقتنا الليله عبده حبيبنا طبعا كلنا نعرفه وطبعا جايلنا اسئله كثيره بخصوصه نحن حصرنا فى الاسئله والان نرحب بضيف حلقتنا عبده ونقله ياريت تعرف نفسك باختصار ؟ الكل يريد يعرف عنك الكثير فاشرح شخصيتك باختصار ؟
abdobasha
1- انا طالب جامعي عندي 22 سنة واسمي عبدالرحمن
2- ساكن في حدائق حلوان
3- مدمن نت، وبحب ركوب الخيل جدا
4- بحب الخضرة والعيشة في الريف
اجتماعى اخر حاجه
رائع جدا عبد الرحمن انك تحب الخضره دليل ان فطرتك نقيه وما فى احلى من الطبيعه وسوال اخر بما ان موضوع الحلقه عن عالم الانترنت ومن الرائع انك مدمن نت نريدتعليقك عن موضوع الحلقه او بشكل اخر ماذا يمثل لك النت ؟
abdobasha
النت بالنسبالي مصدر لا نهائي للمعرفة
اي نعم بنجيب كل الاغاني والافلام ونحملها لكن النت مليان معلومات عن اي شئ
والنت فعلا كل يوم بيطور وهيغير اوجه حاجات كتير جدا في العالم
اجتماعى اخر حاجه
فعلا كلام صحيح جدا ولا شك ان الانترنت مصدر لا نهائى للمعلومات والان سوال من بعض الاعضاء يقول كيفيه ترشيح الاعضاء للاداره فى المنتدى ؟
abdobasha
1- يكام احد المشرفين العوام برسالة خاصة : abm او انا او روميو او سلمى
2- او الموضوع دا http://100fm6.com/vb/showthread.php?t=792
اجتماعى اخر حاجه
شكرا جدا على هذا الوضوح والان سوال بجد محرج ولكن هو من قبل الاعضاء وانا مضطر اطرحه بعض الاعضاء يروا انك مبتعد عنهم وبالتالى يتصفوك بالغرور ما ردك على ذلك ؟
abdobasha
انا صدقوني ابعد ما يكون عن الغرور ولكن انا اتلقى كم كبير جدا من الرسائل الخاصة والبريد يوميا
واحادث كل يوم اشخاص جدد، وليس في مقدور اي بشر الرد على كل الرسائل تفصيليلا اذا كانت بالعشرات
بالفعل دا نوع من التقصير فالادارة لذا بندور على مشرفين عوام ودخل معانا abm وهو ابن خالتي
اجتماعى اخر حاجه
شة رائع هذا انك تحاول تقترب من اعضائك وتحاول ان تنفى صفه الغرور عندك واعتقد يا احبائى انى نجمنا وضح وجهه نظره كويس واهو بيدور على مشرفيين عوام ده انفراد لبرنامجنا اسعوا حتى تكونوا مشرفيين عوام هههههههههه والان سوال اخر يهم الكثير ما احب الاعضاء اليك ؟ كله بيحبك يا نجمنا ومهتم بيك
abdobasha
لا من الناحية دي ففيه اعضاء كتير جدا
وبصراحة يا اجتماعي انت لمستك على المنتدى لا ينكرها الا جاحد وبالفعل انت من احب الاعضاء لان انا بحب جدا الابداع والافكار الجديدة
وفيه كمان سلمى لانها من اقدم الاعضاء ودورها بارز جدا
وميسرة وروميو
وطبعا Bestpublisher اللي عامل الهيدر اللي فوق بتاع المنتدى ع الفوتوشوب
وخير الدين من مؤسسي اركان المنتدى
وخياله برغم كونها جديدة نسبيا
وحامد احمد عم الرياضة كلها
وكتير
كتير
وانا متاكد اني ناسي ناس كتير بحبهم وبحب اقرا مواضيعهم
اجتماعى اخر حاجه
والله انت رائع انك لا تنسى احبابك واشكرك على كلامى على وده شهاده على صدرى والان سوال عن الانترنت من عضو المنتدى حريف كوره بيقول اذكر انواع الشبكات فى العالم؟
abdobasha
انواع الشبكات؟
ممممممم
معرفش الصراحة
اللي ممكن اوله ان فيه شبكات سلكية وشبكات لا سلكية
اجتماعى اخر حاجه
ولا يهمك نجمنا المهم انك معنا وفى سوال لا يخلو منه اى صاحب منتدى ما فكره نشاه منتداك ؟
abdobasha
القصة بدت من زمااان اوي
كنت عملت بلوج عن شركة ربح مجانية واتعلمت تحسين نتايج البحث عشان ناس اكتر تسجل تحتي وعملت بث نجوم اف ام برضو عشان ازودد الريفير
وبعدين الموضوع طلع نصب
بس طلعت بخبرة عمل المدونات
وخبرة تحسين نتايج البحث
وعملت مدونة نجوم اف ام
وبعدين لما اتشهرت قلت اعمل منتدى عشان المستمعين يتحاوروا فيه
اجتماعى اخر حاجه
فعلا تجارب مميزه وانا على فكره شفت مدونتك رائعه والان حتى لا تكون ثقال على نجمنا دعوه من جميع احباء نجمنا ان تحاول ان تقترب من الاعضاء حتى ولو بالقليل مع اننا نعرف جيدا مشغولياتك

والان اخر سوال لنجمنا \ ما رايك فى برنامج هات من الاخر ؟ وهل الاسم عجبك؟
abdobasha
فكرة جديدة وممتازة وفعلا جامدة منك يا اجتماعي
والاسم حلو وكل حاجة فالموضوع دا حلوة
تسلم ايدك
اجتماعى اخر حاجه
واخيرا نشكر نجمنا عبد الرحمن على حضوره معنا اليوم وقبل نهايه الحلقه ادعو احبائى لارسال ردهم عن موضوع الحلقه طبعا هنا فى الموضوع والافضل له جائزه ميدليه ستحدد فى بدايه الحلقه القادمه وطبعا ممكن تقول ايضا ايه رايك فى الحلقه وفى نجم الحلقه عامه ويلا تصبحوا على خير
والسلام عليكم ورحمه الله وبركاته
فارسه الاحلام
بجد يا احمد فكرة البرنامج تجعلنى اعجز عن وصف جمالها ومدى تحقيق الجهد فيها ولكن كل ما اقدر اقوله

ان فكرة البرنامج هاااااايله جدااااااااا وجميله واشكرك لاختيارك لاول ضيف وانه يكون عبده واشكر نجم الحلقه جزيل الشكر واتمنالك المزيد والتوفيق يا اجتماعى

مع خالص تمنياتى لكم بالتطور والنجاح الدائم

شكــــــــــــــــــــــــــرا
حريف كورة
السلام عليكم يا جماعة
اولا : احب اشكر اجتماعي اخر حاجة لانه فعلا استاذ في اركان المنتدي والمسابقات الجامدة
ثانيا : احب اشكر عبده صاحب المنتدي الجامد اوي وانا مش كنت بخش اي منتدي الا بسيط بس بجد المنتدي ده رائع جدا جدا
ثالثا : تعبيرك يا عبده جميل اوي وانا اسف اني سألتك سوال محرج شوية
رابعا : احب اقول اجابة سوألي

انواع الشبكات هي : الشبكة النجمية والحلقية والهرمية وشبكة الاتوبيس السريع والشكة المحلية والخاصة والشبكة العنكوبتية والشبكة المختلطة والشبكة العامة وشبكة المناطق الواسعة وشبكة المتروبوليتان
القلب الطيب
برنامج هايل ورائع جدااااااا

وضيف الحلقة انسان كتير محترم وكلنا بنحبه

يلا مستنين الضيف والحلقة التانية من البرنامج

تحياتي ليك
فارسه الاحلام
مستنين الحلقات الجااااااايه
اجتماعى اخر حاجه
انا بشكركم جدا يا جماعه بس ياريت نعلق على موضوع الانترنت عشان جائزه العضو وياريت نتكلم عن الانترنت كظاهره وليست تفاصيل علم كما فعل حريف وقال انواع الشبكات
عمرو صلاح
البرنامج اكثر من رائع وفكرته مميزة لكن تنقصه الاثارة . شكرا لضيف حلقة اليوم
اجتماعى اخر حاجه
يا عمر اولا اشكرك ومن ناحيه الاثاره لا تنسى انها اول حلقه وكل مره فى تجديد
سمسمه2009eae
مرسى اوى يا اجتماعى على الحلقه بجد كويسه بس يا ريت يكون اسؤله اكتر من كده وشكره على حضور عبد الرحمن
عمرو صلاح
كانت فكرة انشاء اول شبكة معلومات عن طريق وزارة الدفاع الامريكية وكان الغرض من انشائها غرض سياسى بمعنى انشاء جهاز كمبيوتر قادر على الصمود ضد اى عدوان عسكرى وكان ذلك عام 1969 وبعد ذلك تطور النت واصبح نافذة عامة مهمة جدا فى مجال الاتصالات والمعرفة ودائما امريكا فى المقدمة. شكرا لحضورك يا عبد الرحمن
روميو
فكره رائعه يا اجتماعي

واحييك على اختيار عبد الرحمن

فعلا شخصيه عبد الرحمن من اكتر الشخصيات المحترمه اللي الواحد قابلها وانا بحبه شخصيا جدا

ومنتظرين باقي الحلقات يا اجتماعي



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
الحلقه العاشره من برنامج هات من الاخر
الحلقه السابعه من برنامج هات من الاخر
الحلقه السادسه من برنامج هات من الاخر
الحلقه الخامسه من برنامج هات من الاخر

Powered by vBulletin Version 3.8.8
Copyright ©2000 - 2022, Jelsoft Enterprises Ltd
جميع الحقوق محفوظة © fmisr.com منتديات نجوم مصرية