انا بحب واحد وكان معيشنى فى حلم جميل اوى كنا مش بنتكلم بس كانت مشاعرة من ناحيتى باينة من خلال نظراتة والحجات اللى كان بيعملها علشان يبينلى انة بيحبنى وبعد كدة لقيتة اتغير فجاة من ناحيتى كان الاول بيعمل حجات تفرحنى دلوقتى بيعمل حجات تزهقنى انا كنت بتمنى الاول انى كل اما اخرج اشوفة دلوقتى كل اما اخرج ادعى ربنا ان انا مشفوش ومش عارفة انساة ازاى اواعرف مشاعرة الحقيقة من ناحيتى انا عارفة انة صعب نسيان الحبيب لكن من السهل ان احنا نسيبة (بس فية حاجة احنا مينفعش نتكلم )ياريت ياجماعة تقلولى اعمل اية علشان انا مدمرة وامتحناتى قربت خلاص

السراب..


هذه الكلمة تحمل الملخص الحقيقى لهذه المشكلة..
مرارا وتكرارا..انصح اصدقائى واصحاب المشكلات العاطفية..بان لا يسلموا لمشاعرهم العنان..
ولا ينجرفوا وراء حب واهم..
مشكلتك يا عزيزتى انك..احببتى هذا الشخص دون التاكد من مشاعره الحقيقية..وعشت فى وهم خادع..
على امل ان تصرفاته واقواله تدل على انه يحبك..
كم من الناس نقابلهم فى حياتنا ..يتجملون ويظهرون ما يخالف شخصيتهم..حتى ينالوا ما يريدون..
وهذا الشخص ...نال منك ما يريد...وهو قلبك..لكن السؤال..هل يستحقه ام لا ...انت وحدك من تقررين..؟؟؟
لكننى اهمس فى اذنك..واقول انت غاليةبالنسبة لنفسك...لا تفرطى فى مشاعرك لاى احد..وكونى دائما...غالية المشاعر...صاحبة القلب المغلف..باغلى الحصون..ولا يملك الثمن..الا من يستحق..
ارق واطيب تمنياتى..

على فكرة ممكن تكونى انتى مأصرة معاة بس انتى مش حسة

وممكن يكون فعلا مش محتاجك بس

يا ريت تتاكدى من احساسك وخدى قرارك


على فكرة انا فى نفس المشكلة بس انتى بنت وانا ولد

بس انا بحبها اوى اوى اوى هى كل حاجة فى حياتى

هى شغلى هى روحى هى انافى المستقبل

بس مش بشوفها ولا عارف اوصلها



ـــــــــــــــــــــــــــــــــــــــــــ



بــحــب ومــــجروح

النهاردة اكتشفت ان حبيبى بيحب زميلتى وانا حاسة ان انا يحلم بس حلم رخم شوية

لانه كان من الاول مش حب

مش معني حركاته او تصرفاته انه بيحبك

حاولي تنسي وتعيشي حياتك

بكره تلاقي الحب الحقيقي

ووقتها هتعرفي ان ده مكنش حب

تحياتـــــــــــي

اقلك الاول راجعى نفسك وممكن تكونى عملتى حاجة غيرت رأيه فيكى وخلته يبعد عنك او يتلككلك
لو راجعتى نفسك كويس وملاقتيش نفسك عملتى حاجة يبقا اعرفى انه انسان تافهه جدا وكان بيتسلى ولما خلص كيس الفيشار رماه وما تزعليش ابدا على حب عيشتيه ازعلى ع انسان اخترتيه وخلى زعلك ده يبنى تفكيرك من جديد وتبنى حوالين قلبك سور ما يقدريشى يعديه غير برنس يقدر يصونه وبس
اخيرا بقا
ما فيش احلى من الحب ف حياتنا

ميرسى ليكم بس هو ياهانا اللى انا عارفتة انة بيحب البنت دى من سنتين مثلى يعنى وعندك حق انا فعلا ندمانة على الانسان اللى انا كنت مختاراة وعلى كل دمعة نزلتها علية

على فكره ياجماعه انا عندى مشكله جامده جدا نفسى تتحل بقى
انا مش متاكده من مشاعرى بس انا كنت معتبراه عادى اخ وصديق مش اكتر
لكن لما قالى انه بيحبنى حسيت انه انا مستريحه له بس مش حاسه انه حب
هو كمان مش عايز يغير من نفسه علشانى وفضل يقوللى انه بيحبنى لحد مالقيت نفسى بقوله انا كمان بحبك
بس مش حاسها قوى وبعدين اتخانقنا علشان هو مش عايز يغير من نفسه مع العلم انه قريبي واتقدم لى وانا رفضته علشان التغيير بردو ارجو الردسريعا اسفه على الاطاله