1- معرفة الوزن قبل الفطار كام بالظبط وياريت الميزان يكون سليم ونتاكد قبل استعماله .
2- الطول بالسنتيمتر .
3- مقاسات ( الصدر - البطن - والارداف - وكمان اخدت مقاس الكتف من فوق )
4 - ورقة فيها جدول هنكتب فيها اليوم والحاجات اللى فى الريجيم )
5 - ازازة خل تفاح .
6- نص كيلو ليمون من الحادق لان فى نوع حلو
7 - شاى اخضر .
8 - حبوب تفاح .
9 - (قرفة + زنجبيل) (مطحون )
بكدة انا هكون ظبط نفسى من كل حاجة هحتاج لها علشان ما ينفعش استغنى عن اى حاجة وكمان انا كنت بحط نعناع اخضر على الشاى ودة بيخلينى استغنى عن السكر خاااااااااااااااااااااااااااااااااالص
بكدة كدة يا قمرات هنعمل اية
النظام
الفطار :- هيكون ثابت طوال الاسبوع وهو كالاتى :-
- كوب ماء دافئ بليمون وعلية معلقة خل تفاح .يعنى حوالى 350 ملى .
- كوب ما بارد على قد ما تقدرى تشربى .
- نص رغيف بلدى (اسمر ) او رغيف سن + 2 بيضة مسلوقة + طبق خضار
وطبعا بعد دة لازم من الشاى الاخضر
بس انا بصراحة ما كنتش بفطر دة كله لانى فى الحقيقة مش بفطر خالص ودة غلط لان الدكتور قالى ان اللى مش بيفطر الانسولين بيزيد افرازة ودة بيسبب اصابه السكر عند الانسان فطبعا انا كنت بكتفى بربع رغيف وعليه قطعة جبنة لانة مش بيبقى عندى نفس للاكل اصلا
انما الغداء :-
كوب ماء بليمون وخل زى الفطار .
+ طبق سلاطة عليها خل تفاح
+ نص رغيف ومعاه اى حاجة من الحاجات دى (2 بيضة مسلوقة أو سمك مشوى بدون زيوت أو فراخ مسلوقة بدون جلد او مشوية أو لحوم )
+ 2 ثمرة فاكهه من دى ( تفاح - كمثرى - جوافة - برتقال ) ودى مش اجبارى الفاكهه بس انا مش عايزة اصعبها على الناس اللى بتحب تحلى بعد الاكل هتلاقى كل اللى فى نفسك اهو
ندخل على العشاء :-
نص رغيف + جبنة قريش يا اما جبنة منزوعة الدسم اخرى + سلاطة
بينى وبينكم
انا كنت باخر الغداء علشان ابعد عن العشاء وانا م خفيفة
بعد دة كله لازم شوية ملحوظات وهى كالاتى :
الملحوظات :-
1 - شرب كوب شاى اخضر بعد الفطار والعشاء من غير سكر يا اما سكر دايت .
2- شرب كوب قرفة وزنجبيل بعد الغداءسكر دايت يا اما معلقة عسل ابيض .
3- المشى لمدة نص ساعة متصلة يوميا ,
بس اشربوا مية كتير ولو حسيتى بجوع ممكن تاكلى علبة زبادى خالى الدسم او خيار او اى خضار تحبيه
اوعوا تنسوا التقييم
ملحوظة :-
* حبوب التفاح بناخدها كالاتى 3 حبوب قبل الفطار وقبل العشاء