بصو ياجماعة يلا نعمل فريق زي الرابح الأكبر كده اكيد كلكو عرفينو واكيد في ناس كتير زي حالاتي كده عايزين يخسو بس عايزين حافز وحد يشجعهوم يلا اللي عايز يخس يسجل اسمه وطوله ووزنه وسنه وبعد لما نجمع عدد نبدء المسابقة وانا مسؤلة اني اجيب الانظمة الغذائية الصحية وكل اسبوع نوزن وكل واحد يبعت يقول وزنه وخس اد ايه ؟ اول مانجمع عدد هنتفق علي ميعاد بدء للمسابقة لو موافقين علي الاقتراح ده ابعتو واقوله زي ماقولتلكو السن والوزن والطول وانا اهو اولكو انا سني 21 سنة ووزني 77 وطولي160

هااااا مين تاني هيسجل؟؟؟؟؟

اية الشغل الجامد ده همتك معنا اجمعلنا الفريق

استمرى

فكرة جميلة جدا ميرسي على الموضوع الجميل

فكرة رائعة جدا
انا سني 12 سنة
طولي 165 سم
وزني 62 كم
اتمنى اني اخس على الانتر نت ان شاء الله هخس
بس ايه هي الأغذية ؟؟؟؟؟؟؟؟؟؟؟؟؟






واتمنى لكي مزيدا من التقدم والنجاح وتابعي تقدمك في المنتدى الاكثر من رائع

من صديقتك /
lolo_2008_jeje

ومشكووووووووووووورة للمرة الاخيرة على الموضوع الرائع

مرسي يالولو علي مشاركتك الجميلة دي انتي وزنك المثالي المفروض يبقي 57 كجم يعني انتي محتاجة تخسي خمسة كيلو والافضل انك تبدائ من سنك الصغير ده عشان كل لما السن بيكبر كل لما نسبة الحرق في الجسم بتقل بصي ياستي خلاص انا هبدء معاكي وهعمل مساببقة انا وانتي ونشوف مين هيخس اكبر نسبة من الوزن هنبدء ان شاء الله بكره الاحد 19\10 والاسبوع الجاي توزني وتقوليلي وزنك بقي كام وانا كمان نفس الحكاية وبجد انا مكتفية بيكي انتي بصي ياستي هقولك دلوقتي النظام اللي هنمشي عليه ومتخافيش ده من دكتور متخصص يعني متقلقيش

نظام غذائي لمدة اسبوع
الافطار : بيضة مسلوقة +خيارة+رغيف عيش سن او ربع رغيف عيش بلدي.
الغداء:طبق سلطة بأي كمية +كوب واحد خضار مسلوق علي ماء كل انواع الخضار ماعدا البطاطس والقلقاس +
ربع فرخة مسلوقة او مشوية (ويفضل مسلوقة).
العشاء: كوب زبادي +خيارة+ ربع رغيف عيش بلدي او رغيف سن.

ملاحظات:::
1-بين الوجبات اذا شعرتي بالجوع يمكن تناول خيار او فاكهةماعدا(مانجو-عنب-بلح-تين) ولكن يجب ان يكون هذا بعد تناول الوجبة الاساسية بثلاث ساعات علي الاقل.
2-يمكن تناول اي من المشروبات الساخنة (قهوة-شاي-ينسون-حلبة-نعناع......)ولكن بدون سكر او اضافة سكر دايت من الصيدلية.
3-ممنوع نهائيا الوزن الا في نهاية الاسبوع.
4-ممنوع تناول المشروبات الغازية والمقليات والحلويات .
5- في اخر يوم في الاسبوع (يوم الوزن) لكي وجبة واحدة تأكلي ماتشائين ولكن بشرط بعد الوزن ووجبة واحده فقط وتكون خالية من المقليات. بس يالولو دي كل حاجة حاولي تطبقي وبعد اسبوع ان شاء الله هستناكي تقوليلي بقيتي أد ايه مهما كان الوزن ...... وانا كمان نفس الحكاية ..


2-

شغل حلو يادكتور ياسمين

مرسي ياانتهيت علي ردك بس بجد انا زعلانة ان مفيش تفاعل

انا اصول مدخلش هنا بس سوال يا بنات

اللى عوز يطخن ويقلبز كدا يعمل اية ؟

مرسي ياماتريكس علي مشاركتك::: وليه اصول متدخولش هنا المسابقة اللي انا عملاها دي للاولاد وللبنات يعني عادي لما تدخل هنا وبعدين ياسيدي انت عايز تقلبظ ليه ده الرشاقة نعمة ولا ايه ياماتريكس؟؟

بس انا ما قدرش اعمل الرجيم علشان ماما بتقولي
انتي لسه صغيره

انا على افكرة لولو بس علشان مش راضي يدخل

بصي يالولو لو ماما مش راضية تخليكي تعملي دايت يقي تنظمي اكلك يعني قللي الدهون في الاكل علي قد ماتقدري وابعدي تماما عن المقليات وان شاء الله هتخسي

شكرا لك علي الموضوع المتميز
واصل تألقك بالمنتدي حتي نرقي به الي القمة ويكون من اشهر وافضل منتديات العالم
واصل واصل واصل بدون اي مفاصلة
مع تحياتي
Lampard55

مرسي علي المشاركةياLampard55

اوكي
بس انا النهردة اكل سمك مقلي عادي ولا مش عادي يا دكتورة ياسمين ؟؟؟؟؟؟؟
وإن شاء الله هقلل في الدهون

يالولو ماهو من المقليات برده وكل المقليات غلط ومن اكتر الحاجات اللي بتسبب زياده في الوزن هي المقليات والسكريات لو انتي مش هتعملي رجيم حاولي علي قد ماتقدري تبعدي اهم حاجه عن المقليات دي اخطر حاجة وبعدين ياستي كلي السمك مشوي مش مقلي وعلي فكرة انا مش دكتورة ولا حاجه بس انا قريت في المواضيع دي كتير جدا وكمان خسيت قبل كده 16 كجم في شهر والحمد لله من غير انيميا ولا تعب وبطريقة صحية جدا واي استفسار يالولو انا في الخدمة

مشكووووووووووورة

هاى ياسمين
انا سنى 22
ووزنى 75
وطولى 163
وزنى المثالى كام
مع انى روحت لكذا دكتور افضل كويسه جدا شهر وا اتنين وجيم وارجع تانى انا دلوقت وزنى 75 لكن اوقات بيزيد بيبقى 80 أرادتى مش قويه بس لما بعمل دايت بخس بسرعه اوى وكمان لما بيكون فى رياضه ومن غير دايت بخس بس المشكله فى الاراده

هاي يااسيرةالليل ازيك مبدئيا مرسي علي اهتمامك بجد احنا كده بنشجع بعض انا بدءت في الرجيم وان شاء الله يوم السبت هقولك وزني بقي كام انا كنت 77 بصي بقي ياستي انتي وزنك المثالي المفروض يبقي 54.7كجم ونسبة الدهون في جسمك 28% من الوزن يعني اكتر من ربع وزنك دهون بجد لازم ننزل متتشأميش وتزعلي ان شاء الله هتنزلي وانتي بتقولي انك بتنزلي بسرعه بس المهم الارادة واحنا هنا نشجع بعض بش لازم تبتدي بداية جادة وابعتيلي ولي هتبدئي رجيم يوم كام بالظبط والاسبوع اللي بعده تبعتي بردة وتقولي خسيتي أد ايه حتي لو لقدر الله مخسيتيش برده تبعتي وتقولي وانتي كده لما تبقي مرتبطة بوعد معايا هتتشجعي انك متلخبطيش وتبوظي الدنيا لان اللي فينا هيبوظ هيجي يقولي علي المنتدي هنا بكل صراحه فتخيلي بقي شكلنا ؤدام اصدقاء المنتدي هيبقي ايه لو لخبطنا هيقولو عليا مفاجيع يرضيكي يعني وبعدين اول لما تضعفي ؤدام اكلة فكري ان انت اكلتيها قبل كده وعارفة طعمها وكمان لما ان شاء الله تخسي هتكليها بس بنظام عشان منرجعش تاني واتشجعي كده ويلا شدي حيلك خلينا ننزل نجيب هدوم مقاس ميديم وان شاء الله يوم السبت هقولك انا خسيت اد ايه مستنية ردك تقولي هتبدئي امتي وكل اسبوع ان شاء الله هبعتلك اسالك بس اوعي تسبيني اعت ومتروديش مسنياكي سلام ياقمر

موضوع شيق يا ياسمين،، واصلي،،
طب الحمد لله انا وزني كويس،،،،،، و أنا عايز اشارك معاكم و أكون المدرب في الرابح الأكبر،، قلتو إيــــــــه؟؟

مرسيه على ردك يا ياسمين انا هبتدى يوم السبت الدايت عشان السبت اللى بعده نقول وزننا سوا أوك
وبالنسبة ل bestpublisher ياسمين هى اللى هتقول اه او لا لانها صاحبة الموضوع

اوكي اسيرة الليل وانا ان شاء الله هستناكي يوم السبت ياجميل

اوكي bestpublisher بس مدرب ازاي واحنا علي النت يعني فهمني الموضوع بس مبدئيا اهلا بيك وانا معنديش اي اعتراض

اهخ بالمناسبةياbestpublisher نسيت احقد عليك عشان وزنك كويس

ممتاز!

عمري:18
طولي175
وزني:74

بعض النصائح؟

هاي مدير ازيك ومرسي علي مشاركتك معانا بص ياقمر انت نسة الدهون في جسمك 24% وزنك المثالي المفروض يبقي 70 كجم يعني انت محتاج تنزل 4 كجم بس وان شاء الله دول سهلين جدا برده نظم اكلك وابعد عن المقليات او خليها مرة واحدة بس في الاسبوع وجبة واحد بس اوعي تقعد اليوم كله تاكل مقلي وطبعا زيها بالظبط السكريات بس انت مش محتاج رجيم هما اربعة كيلو لو بعدت عن المقليات والسكر هينزلو ان شاء الله في اقل من 3 اسابيع من غير ماتحرم نفسك من حاجه ومن غير ماتحس واي خدمة انا تحت امرك

هاي مدير ازيك ومرسي علي مشاركتك معانا بص ياقمر انت نسة الدهون في جسمك 24% وزنك المثالي المفروض يبقي 70 كجم يعني انت محتاج تنزل 4 كجم بس وان شاء الله دول سهلين جدا برده نظم اكلك وابعد عن المقليات او خليها مرة واحدة بس في الاسبوع وجبة واحد بس اوعي تقعد اليوم كله تاكل مقلي وطبعا زيها بالظبط السكريات بس انت مش محتاج رجيم هما اربعة كيلو لو بعدت عن المقليات والسكر هينزلو ان شاء الله في اقل من 3 اسابيع من غير ماتحرم نفسك من حاجه ومن غير ماتحس واي خدمة انا تحت امرك

ميرسي يا قمر

العفو يامدير انت تأمر

فين وزنك النهارده يا ياسمين؟؟؟؟؟؟؟؟؟؟؟؟

هاي ياجماعة ازيك ياسيرة الليل انا النهاردة للاسف هقول وزني وبقول للاسف عشان منزلتش كتير بس انا ملعبتش رياضة خالص الاسبوع ده ولا حتي المشي انا خسيت بس 2 كيلو يعني بقيت 75 كجم س اوعدك ان شاء الله السبت الجاي هكون نازلة اكتر عشان هنبقي مع بعض وهيبقي فيه منافسة