ما ينفعش كده النوم إللى إنت نايماه ده كله..
ده حتى كتر النوم مضر بالقلب ياشيخة..
بيقولوا شعبك نصه عايز فى البطالة ونصه مش لاقى مرتبات تخليه يعرف يعيش..
وإنتى لسه نايمة؟؟
بيقولوا شعبك مش لاقى ياكل وكل ما بيطلب من الحكومة أكل.. الحكومة تقول له لأ.. خلاص ما فيش..
وإنتى لسة نايمة؟؟
بيقولوا شعبك كل يوم فيه على الأقل واحد بينتحر علشان مش لاقى يجيب الأكل للعيال..
وإنتى لسه نايمة؟؟
بيقولوا شباب شعبك بيهجرك ويسافر فى شنط السفر وفى المراكب وساعات بيغرق فى المحيط..
وإنتى لسه نايمة؟؟
بيقولوا كل يوم واحد بيسرق من بنوكك ويهرب بعيد لبلاد بعيده..
وإنتى لسه نايمة؟؟
مصر.. مصر.. قومى يامصر..
لا حول ولا قوة إلا بالله..
مصر ماتت يا ولاد..
(كلمات الشاعر: أشرف السيد)
http://histoc-ar.blogspot.com
http://yonan-rzq.blogspot.com