انا اسفه جداا يا جماعه على التاخير بس بسبب ظروف النت
بنذكركم تانى بالقوانين ولكن فى بعض الاشياء اتغيرت
بناء على طلب بعض الاعضاء
اولا يا جماعه الحلقه هتكون من جزئين زى ما هيا
وهناخد فاصل بين كل جزء والتانى
وفى الفاصل هنستقبل الرسايل الخاصه
فى التوبيك نفسه

بس فى شروط
محدش يقول انا مين هو مين الا فى نهايه الحلقه حتى لو عرف
والى هيقول مش هناخد باجابتوا حتى لو كانت صحيحه

وبرضه باقى القوانين ثابته
كل عضو ليه فرصه لطرح ثلاثه اسئله فقط
واجابه واحده

يعنى ياريت التركيز فى الاسئله والحوار جيداا
وايضا الالتزام بالقوانين
وبنذكركم تانى عدم المشاركه اثناء الحلقه سواء فى الجزء الاول او الثانى

يلا هنبدا

اعزائى المشاهدين اهلا وسهلا بيكم فى ثانى حلقات برنامجنا انا مين وزى ما انتم عارفيين برنامجنا يعتمد على شخصيه مجهوله وكلنا عايزين نعرف مين هذه الشخصيه ولكن المفاجاه انى ممكن تكون شخصيتك مجهوله عنك ولا عجب من ذلك واتمنى ان تنال الحلقه اعجابكم

في انتظار بداية الحلقة

الساعه بقت 11وتلت

عدنا واسفين على التاخير ولكن لكى نعرف ظروف زميلتى فى البرنامج انمى والحقيقه ظروف النت عندها يعوقها ان تقدم الحلقه معى الان واتمنى ان تعود فى اقرب وقت والان مع نجم حلقتنا الليله هو نجم ممتاز ترك بصمه رائعه فى المنتدى لا يعرف معنى الكره والان نسال نجمنا لماذا اخترت منتدى نجوم عن غيره ؟ وماذا يمثل لك المنتدى ؟

اولا اشكرك يا اجتماعى انت وانمى علي البرنامج الجميل

والله انا دخلت المنتدى باالصدفه لكن انا دخلت منتديات كتير دا اكتر منتدى ارتحت فيه

وارتحت كمان للأعضاء اللي فيه وبقا بيمثلى كل حاجه ومن يوم ماسجلت وانا تقريبا يوميا لازم ادخل

وطبعا الاعضاء فيه متعاونين جدا ومحبوبين اوى وفيه روح حلوه بينهم

رائع جدا نجمنا وزى كا قلت نجمنا لا يعرف معنى الكره هو محبوب فعلا من الجميع والان نجمنا هل انت من الشخصيات التى تميل للرومانسيه ؟ ولا انت نشاطك ايه ؟

انا معاكم فى البرنامج ممكن

اها طبعا انا بحب الرومانسيه جدا رغم انها قليله الايام دى لكن انا بردو بحبها وبحب اعيشها اوى

واكتر حاجه بحبها الرومانسيه فى كل حاجه

رائع جدا نجمنا والرومانسيه احساس لا مثيل له والان نحب نسهل شويه على الاعضاء ونقول ما هى اكثر المواضيع نجمنا يشارك فيها ؟

بشارك فى مواضيع الحب والرومانسيه وفى منتدى الحوار واكتر حاجه فيه الالعاااب

رائع جدا نجمنا والان سوال هام من نجمنا ما رايك عامه فى ظاهره الارتباط الدائره فى المنتدى هل هى ايجابيه ام سلبيه وهل انت ممكن تفكر ترتبط من المنتدى ؟

بصراحه الظاهره دى منتشره اوى على المنتدى فعلا

انا رأيى ان اهم حاجه فى الموضوع ده هو الثقه والصراحه بين الطرفين

لو فى صراحه بينهم ممكن العلاقه تكمل بينهم ولكن طبعا النسبه قليله

انا بالنسبه لى مش عاوز ارتبط عن طريق النت

لان الحب فى الواقع حاجه تانيه خالص احلى بكتير من حب النت

وجه نظر نجمنا والان سوال مهم جدا وبطلب من نجمنا بلا اى مجاملات اذكر اقرب 5 اصدقاء لك فى المنتدى ؟

والله انا ليا اصحاب كتير فى المنتدى وبحبهم كلهم

لكن انت عاوز 5 بقا


تيتـــــــو


الطير المسافر


شطـــــا


ميسره


ياسمين فيرجينيا

ممتاز واعتقد كده بدانا نسهل جدا والان سوال هام لنجمنا انت دائما تتواجد فى الليل ما هو سر عدم وجودك فترات النهار بالمنتدى ؟

والله انا متعود على السهر وبردو بالنهار بكون فى الجامعه وكدا ولما برجع بنام طبعا

عشان كده تلاقى النهار ضايع كله مفيش وقت للنت غير بليل يعنى


بس كده

رائع نجمنا وربنا يوفقك فى دراستك ولكن برده احبابنا المشاهدين عايزين يعرفوا نجمنا بيدرس ايه بالضبط يمكن الشخصيه تتعرف ؟

انا مجالى علمى ومش هقول كليه ايه بالظبط عشان مش عاوز اسهل

رائع نجمنا ويظهر انى نجمنا ليس من الشخصيات العاديه بل المميزه جدا والان سوال هام ما علاقتك بالمشرفيين وايهما تفضل ؟

انا علاقتى بالمشرفين عاديه جدا والحمد لله مفيش اى مشاكل مع اى حد


وبصراحه اكتر مشرف بيعجبنى انت يا احمد من غير مجامله

ده شرف لى نجمنا والان نجمنا سوال على سبيل المداعبه هل تعتقد انى شخصيتك هتتعرف بسهوله من الاعضاء او هل عدد كبير هيقدر يعرفها ولا قليل ؟

يعنى ممكن الاعضاء اللى يعرفونى اوى يعرفو انا مين

وكمان لان لحد الوقتى مفيش حاجه موضحه اوى ليهم

ممكن يعرفونى من اسلوبى وممكن لا

هنشووووووف

فعلا نجمنا احنا بصراحه معانا اعضاء اذكياء جدا ما شاء الله والان نجمنا نقول سوال مهم جدا ما هى اكثر الصفات تحبها واكثر الصفات تذمها ؟

بحب الصراحه والصدق اكتر حاجه لازم تكون موجوده فى كل الناس سواء صديق او حبيب

واكتر حاجه بكرهها الخيانه والنفاااق

رائع نجمنا ونحن الان نحاول اختراق الشخصيه حتى نصل الى نواه الشخصيه والان سوال اخر اكثر موقف محرج تعرضت له فى المنتدى وخارج المنتدى؟

وقف محرج فى المنتدى لا مفيش الحمد لله اى مواقف محرجه

وخارج المنتدى

كنت مره مع اصحابى وشوفت واحد يشبه ابن عمى ورايح اسلم وكده وفى الاخر طلع مش هو

كان موقف زباله بصراحه

احم احم ليه الاحراج ده بس

ههههههههههههه والان لانى برنامجنا يقوم على المشاركه من الاعضاء ناخذ فاصل الاعضاء ترسل اسئلتها لنجمنا ولكن رجاء لا احد يكتب الاسئله هنا ارسوا لى على الخاص او حتى على العام فى صفحتى فاصل ونعود

عدنا والان نكمل مع نجمنا اليوم ومجمل اسئله الاعضاء تتلخص فى هذا السوال يا نجمنا كلمنا عن شخصيتك شويه ؟

انا بحب الحياه وبحب اعيش اجمل مافى الحياه بحب الصداقه اوى وبحب الناس

وبحب الحب والرومانسيه كتيييير

واحب اكون ناجح فى كليتى وفى شغلى مستقبلا

وانا طموح جدا وبحب احلم كتير ومش بفقد الامل بسهوله

ومش بحب اتكلم عن نفسى كتير بقى