السلام عليكم
كل سنة وانتم طيبيين
ياريت يا جماعة الاقي حد يقدر يساعدني وياريت يكون اكبر مني وعنده خبرة في الحياة وجزاكم الله خيرا
باختصار شديد جدا انا شاب عندي 21 سنة عمري ما عرفت اتهنا على فرحة و على طول تحصلي حاجات تضايقني وتخليني مخنوق ومكتئب و اليومين دول بقيت بفكر في الانتحار كتير قوي وشايف الدنيا قدامي سودا وبالذات مستقبلي انا فكرت اروح لدكتور امراض نفسية بس صعبان عليا نفسي اني من دلوقتي وانا لسه شاب صغير اروح للدكتور واخد علاج عشان مش عارف اخرج من الخنقة اللي انا فيها ولا عارف استطعم اي حاجة بتحصل حواليا حتى فرحة رمضان مش حاسسها ولا ليا نفس اكل ولا اخرج مع صحابي انا خلاص مبقتش قادر اعيش زي بقية الشباب وللاسف كل لما اخد قرار اندم اني اخدته واحس بياس واحباط .انا حاسس اني مش هاقدر اواجه المشاكل اللي ممكن تحصلي بعد كده. وانا الحمد لله بصلي.انا مش عارف اعمل ايه انا خلاص مش قادر اعيش وانا في الحالة دي. ياريت يا جماعة تدعولي وقت اذان المغرب ان ربنا يفرج كربي و همي وياريت لو حد فيكم يقدر يساعدني ميتاخرش وربنا ميكتبش على حد فيكم الخنقة اللي انا فيها وجزاكم الله خيرا