بسم الله الرحمن الرحيم
روادتنى هذه الفكرة من واقع التجربة الشخصية وهى كيفية القضاء على البطالة فى مصر وزيادة الإنتاج ورفع مستوى المعيشة بالنسبة للفرد والمجتمع من الناحية الإقتصادية لا مانع من وجود فساد هدام ولكن لا شئ مستحيل ودوام الحال من المحال : خلينا فى الفكرة أهم تتلخص فى الأتى :
هناك الألاف من الشباب يتخرجون كل يوم وينتظرون العمل ولا حياة لمن تنادى تقابلهم مشكلة خطيرة وهى الخبرة والواسطة ولا فيه ده ولا ده طيب لو عملنا الأتى 20% من الشباب يتحدون على شكل مجموعات من 3 إلى 4 أفراد فى كل مجموعة ويبدؤن بمشروع صغير غير مكلف ويكون فكرة جديدة أو موجودة بس تتعمل بشكل مختلف أو موجودة بس محتكرة من قبل أحد معين ونعمل على إنتشارها أو موجودة بس قليلة فى أماكن معينة تفتح فى هذه الأماكن وأنا ذكرت 20% حتى أكون واقعياً مش كل الشباب لديهم المال ولكن 20% معقولة شوية ، المهم إن المشاريع الصغيرة عندما تنجح هيكونوا محتاجين لعماله على الأقل محتاجين 40% من الشباب اللى زيهم ومش لاقين شغل ويبقى كده 60% من الشباب ليسوا فى عباءة البطالة أو مرض البطالة ويبقى فى زيادة إنتاج وزيادة دخل قومى ومن ثم زيادة فى متوسط دخل الفرد للدولة .
ده مجرد حل لمشكلة بنشوفها كل يوم من وجهة نظرى وأتمنى أشوف ردودكم وحلولكم ورأيكم معايا فى الموضوع ده بجد ومناقشة الأفكار الجديدة والله الموفق
أخوكم ياسر أول من عمل بهذه الفكرة منذ 6 أكتوبر 2008 والحمد لله.