السلام عليكم ورحمه الله وبركاته

نظراً لأن الغالبيه

تسأل موقعي ليه مفيش فيه زوار !!

أردت أن أوجه الجميع إلي أن الصحيح هو ان تبحث عن أرشفه موقعك في محركات البحث ثم تسأل عن الزوار

لذلك
سأقوم بدوره مجانيه ميه في الميه أونلاين لتعليم مبادئ وأساسيات السيو


وهتتعلم فيها


* ازاي موقعك يبقي مؤهل للأرشفه !

* ازاي تظبط العنوان والوصف والكلمات المفتاحيه وتتأكد انهم صح!

* ازاي تعمل ملف الروبتش و خريطه لموقعك

* ازاي تأرشف موقعك في محركات بالحث وبالتحديد جوجل

* الروابط العكسيه و أدله البحث والشبكات الإجتماعيه



و ميعاد الدوره سيكون أول يوم سبت بعد إنتهاء عيد الأضحي المبارك

حتي نتيح الفرصه للجميع بالإشتراك وستكون لمده 3 أيام - السبت - الأحد -- الإثنين

وهي مجانيه مجانيه ميه في ميه بدون أي مقابل بالمره


علي من يرغب بالإشتراك كل ما عليك هترد علي الموضوع تقول انا هشترك

وترسل لي رساله خاصه علي الإيملي بتاعي

[email protected]

ويكون عنوان الرساله دوره السيو

ويكون فيها اسمك و رقم موبايلك علشين اتصل بيك وايميلك والمحافظه إلي انتا ساكن فيها


ومنتظر مشاركتم

أطيب أمنياتي للجميع بالتوفيق والنجاح

9 مشاهدات للموضوع و 3 رسائل في الإيميل

معني هذا ان 3 أشخاص يريدون الإلحتاق بالدوره

ما زلت الفرصه أمام الجميع

ان شاء الله سيتم اغلاق الإشتراك في التقديم للدوره يوم الأربعاء القادم

باقي 9 أماكن فقط


أطيب أمنياتي للجميع

الله عليك يا معلم
انا معاااااااااااك طبعااااااااااااا

تمام
يا ريس

وتم استلام بيانات


باقي 8 أماكن فقط !

أطيب أمنياتي للجميع

معاككككككككككككككككككككككككككككك
أنا هشترك

اهلا بيك
وتم قبول رسالتك

انا معاك وبعت لحضرتك رساله على المايل ارجو قبولي

القبول متاح للجميع يا أفندم

حضرتك بمجرد إنك بترسل لينا
اسمك ورقم موبايلك والمحافظه
يتم تسجيل اسمك

وسيتم الإتصال بك رابع أيام العيد - ميعاد الكورس أول سبت بعد العيد مباشره إلي هو هيكون خامس ايام عيد الأضحي - إن جاز التعبير خامس ايام عيد الأضحي

طيب ما تورينا مثال على عمل يكون متجهز للسيو قبل ما حد يدخل الدورة يبقى عارف بردة الدنيا ماشية ازاى

أبسط مثال عندك المنتدي إلي انتا فيه منتدي نجوم اف ام
ده منتدي معمول له سيو كويس

دي أول نقطه

النقطه التانيه انتا بتأخد مني المعلومات - ولن أبخل علي اي أحد بشيء ولكن التطبيق مهمتك أنت
فسأعطيك القواعد - إن طبقت فستحصل علي نتائج ان شاء الله
وإن لم تتطبق فلك ذلك أيضاً

الدوره هتكون اونلاين ببرنامج محادثه مثل الهوتميل أو السكاي بي

أطيب أمنياتي للجيمع

أبسط مثال عندك المنتدي إلي انتا فيه منتدي نجوم اف ام
ده منتدي معمول له سيو كويس

انت فهمتنى غلط خااالص

انا عارف السيو زى ما انا عارف اسمى كدة الحمد لله

انا اقصد على شغلك انت يا باشا

على شغل اللى هيدى الكورس

مش مثال عالسيو نفسوو !!

وعموما يا باشا دخلنى معاك فى الدورة دى لو لسة فيها مكان

لك أن تعلم
(المعرفه شيء والتطبيق شيء أخر )

شغلي ملكش دعوه بيه لأنه مش من حق اي حد انه يشوفه

المتاح انك تشوف شرحي او تسمعه
وتقدر تشترك في الدوره عن طريق انك ترسل بياناتك للإيميل الموجود بأعلي الرساله فيه اسمك ومحافظتك ورقمك

كمان الدوره مجانيه - الكلام عجبك اهلا وسهلاً مش عاجبك وانتا راجل محترف وعارفه خلاص برده نورتنا

الأمر اسهل مما تتوقع

لك أن تعلم
(المعرفه شيء والتطبيق شيء أخر )

شغلي ملكش دعوه بيه لأنه مش من حق اي حد انه يشوفه

المتاح انك تشوف شرحي او تسمعه
وتقدر تشترك في الدوره عن طريق انك ترسل بياناتك للإيميل الموجود بأعلي الرساله فيه اسمك ومحافظتك ورقمك

كمان الدوره مجانيه - الكلام عجبك اهلا وسهلاً مش عاجبك وانتا راجل محترف وعارفه خلاص برده نورتنا

الأمر اسهل مما تتوقع

براحة شوية عليا يا استاذ

الدنيا مش مستاهلة اللى انت عاملة فى نفسك دة

شغلك محدش لة دعوة بية صح عندك حق
بس الناس بتفرح بشغلها وانها علمت حاجة جامدة وقوية !
وانا مش بقلك هات شغلك استعملوا انا بقلك اشوف شغلك !!!
يمكن انت مش عايز تبقى مغرور وتفرح بشغلك !! ممكن !!!


والحمد لله انا عارف نفسى انى مش محترف سيو ولا حاجة انا عبد فقر لله والكل هنا عارف كدة


عموما انا هتكلم احسن منك واقلك ربنا يوفقك فى اللى انت بتعملو

وانا ياريت كان يفنع ادخل الدورة اكيد المعرفة شئ جميل !! بس للاسف انا باخد دورات فى القانون وبعدت عن السيو

الله يوفقك وياريت متخدش الكلام على اعصابك علشان صحتك بالدنيا اهم منى ومن اى حاجة مليووون مرة


ربنا معاك ودورة موفقة للجميع بأذن الله

سلام عليكم

أشكرك علي كلامك الجميل أخي الكريم

أنا بجد ببقي مبسوط لما بشوف حد أحسن مني وبتمني لجميع الناس بالتوفيق والنجاح

بص يا سيدي شغلي ده تشوفه من خلال إلي بقدمه لك

هبسطها لك مثلاً لو سباك جاي يشتغل لك شغل انتا هتقول له أشوف شغلك فب يشتغل لك وتبدأ تتفرج - كمان مش بتقول له هشوف العده إلي هتشتغل بيها صح

نفس الحال كده بالضبط انا بعرض عليك دوره وببلاش فإنتا تشوف شغلي إلي هو شرحي مش تشوف شغلي إلي هو مواقعي وإزاي بعمل ليها سيو !!!
دي حاجه معتقدش ان من حق اي حد يتدخل فيها

الشاهد من كلامي إلي عايز يشوف ويتفرج بنفسه ينضم إلي الدوره وانا هكون سعيد بيه جدا وينور وعلي دماغي من فوق إلي مش عايز خلاص مشكور جدا

وانا بجد بعتذر لو كنت إتكلمت بأسلوب ضايق حضرتك !!! مع انه مكنش قصدي بس واضح انك اتكلمت بأسلوب فيه شيء من السخريه وده بيدل إنك اتضايقت من كلامي - مع اني مكنتش اقصد كده

انا بعتذر للمره التانيه - اخي الكريم

تقبل اسفي وتحياتي
وفقك الله و وفقنا جميعاً إلي ما يحب ويرضي

يا باشا كتر الف خيرك أنك عايز تساعد الناس ، بس السؤال اللي بيطرح نفسه انت لية مش عايز تعمل الدورة في سلسلة موضوعات هنا مثلا في المنتدي أو عنك في موقعك وتاخد زوار أكتر لو قلت العدد محدود .


الله وحده أعلم بالنوايا ومحدش يقدر يلومك أو يظن فيك ظن سيء ، بس مرة الاستاذ محمد فوزي المعروف بتاع أي منتج . عمل إعلانات انه هيعمل دورة سيو مجانا و أماكن محدودة وكل الكلام الجميل دة . المهم انا قلت أشوف لقيت الراجل جايبلنا برنامج هوة عامل معاة افيليت من كومشن جنكشن وبيقولنا لازم تحمل البرنامج علشان هيكون في روم مقفولة بكلمة سر .

انا قلت عادي الراجل برضه من حقه يربح من خلالنا اننا نحمل برنامج المحادثة بتاعه وهوة يكسب واحنا هنستفيد . وفي الميعاد المحدد ولا جه ولا كان في دورة ولا عمل اي حاجة . قلت أتابع معاه يمكن أكون انا اللي غلطان ولا غيروا الميعاد ولا كتبت اسم الروم غلط ولا اي حاجة ولكن للاسف بدون جدوي .


الشاهد من كلامي " انك لازم تجاوب علي الأسئلة اللي هتدور في ذهن كل واحد مننا قبل ما تقول في دورة . لإن الكلام كتير وولاد الحرام مخلوش لولاد الحلال حاجة "

بالظبط يعني زي مواقع الأفيليت اللي بنشوفها الموقع بيكون صفحة واحدة بس عنده 100 وسيلة إقناع .

مع فائق احترامي وتقديري

بص يا سيدي - والله هي فكره اني اعملها هنا في المنتدي

ممكن افكر فيها بس مش هتبقي كويسه لأن انا عايز تفاعل مع عدد معين من المشتركين

فأعتقد مش هتبقي فكره لذيذه إني أحطها علي هيئه مواضيع بالمنتدي

كمان أنا ممنعتش حد إنه يشترك لسه في أماكن يعني إلي عايز يحجز يبعت البيانات المطلوبه علي الميل وانا اتشرف بوجوده معايا


الدوره كامله ميه في الميه مجاناً مجاناً مفيش ولا عموله ولا برنامج أفيليت وانا في رد قبل كده قلت انها هتبقي من خلال برنامج محادثه زي الياهو أو الإسكاي بي وانا مش مستفيد منها ولا شلن مش هأخد من اي حد من الأعضاء فلوس بأي صوره أو بأي طريقه تتوقعها ومفيش تسجيل في اي حاجه ومفيش عموله ومفيش اي حاجه في اي اتجاه

الحاجه الوحيده إلي انا ممكن اطلبها فيديو بعد نهايه الدوره - يقول استفاد ولا لأ واستفاد ايه - ولو مستفدش ايه القصور إلي شايفه إنه ممكن يتصلح بعد كده
واعتقد ده مش فلوس وبرده إلي عايز يعمل الفيديو أوكي إلي مش عايز أوكي برده عادي جدا جدا جدا


وفق الله الجميع

أشكرك علي كلامك الجميل أخي الكريم

أنا بجد ببقي مبسوط لما بشوف حد أحسن مني وبتمني لجميع الناس بالتوفيق والنجاح

بص يا سيدي شغلي ده تشوفه من خلال إلي بقدمه لك

هبسطها لك مثلاً لو سباك جاي يشتغل لك شغل انتا هتقول له أشوف شغلك فب يشتغل لك وتبدأ تتفرج - كمان مش بتقول له هشوف العده إلي هتشتغل بيها صح

نفس الحال كده بالضبط انا بعرض عليك دوره وببلاش فإنتا تشوف شغلي إلي هو شرحي مش تشوف شغلي إلي هو مواقعي وإزاي بعمل ليها سيو !!!
دي حاجه معتقدش ان من حق اي حد يتدخل فيها

الشاهد من كلامي إلي عايز يشوف ويتفرج بنفسه ينضم إلي الدوره وانا هكون سعيد بيه جدا وينور وعلي دماغي من فوق إلي مش عايز خلاص مشكور جدا

وانا بجد بعتذر لو كنت إتكلمت بأسلوب ضايق حضرتك !!! مع انه مكنش قصدي بس واضح انك اتكلمت بأسلوب فيه شيء من السخريه وده بيدل إنك اتضايقت من كلامي - مع اني مكنتش اقصد كده

انا بعتذر للمره التانيه - اخي الكريم

تقبل اسفي وتحياتي
وفقك الله و وفقنا جميعاً إلي ما يحب ويرضي

يا استاذى ولا يهمك حصل خير

وممكن فعلا اكون اتكلمت بسخرية بس الاكيد انى كنت عايز افهم ومش داخل اعمل مشاكل والله فى الموضوع

انا بس كان هدفى انى اعرف مش اكتر
وانا كمان بعتذر لحضرتك لو كنت قولت حاجة تضايقك
وبجد كان نفسى احضر الدورة

ولو حضرتك عندك الدورة دى مجمعة فى صيغة فيدو او ملف ورد او اى حاجة يا ريت تبقى تبعتهالى

لانى بجد عايز افهم اكتر فى السيو ولان وقتى مش هيسمج انى اتابع الدورة

ربنا يوفقك ويجزيك خير عن اللى بتعملوا ونيتك فى توصيل حاجة مفيدة للناس

سلام عليكم

أطيب أمنياتي لك بالتوفيق
ربنا ييسر اذا قدرت اعملها صوت أو فيديو هقول لك ان شاء الله

بالتوفيق للجميع ......

مش عارف اذا كان لسه فى مكان فى الدورة ولا لا بس على العموم انا بعت بياناتى على الايميل ومنتظر ردك ... وشكرا

تمام
ان شاء الله في مكان

انتظر مكالمه