طريقة عمل مكرونه لذيذه وسهله تنفع للعشا السريع
طريقه عمل مكرونه سهله جدا وما بتاخد إى وقت وتنفع عشا سريع ولذيذ هنبتدى على طول طبعا اول شئ نجيب المكرونه ونسلقها ونركنها على جنب .
تانى حاجه نجهز باقى المكونات
(1بصل مقطع -3فلفلات اخضر متقطع-3جزرات مبشوره-عصير 3طماطميات(طماطم مضروبه في الخلاط)
نضيف معلقتين زيت فى الحله ونحمر فيهم البصله لحد ما تدبل وبعدين نضيف عليها الفلفل الاخضر والجزر ونشوحهم كلهم مع بعض لحد ما يدبلوا وبعدين نضيف عليهم عصير الطماطم والملح والفلفل الاسود وشويه كمون صغيرين ونقلبهم مع بعض ونهدي عليهم النار ونسيبهم يتسبكوا ( يبقى ليهم قوام غليظ )
وبعدين لما الطماطم تتسبك نضيف عليها المكرونه المسلوقه ونقلبهم مع بعض ونسيبهم من 10دقايق ل15 دقيقه على نار هاديه وبعدين دلوقتى جاهزه للتقديم .
ملحوظه : طبعا انا ما كتبتش مقدار الملح ولا الفلفل الاسود ولا الكمون لانى بحطهم وادوق طعم الحاجه واشوف هى كده مظبوطه ولا محتاجه تانى يعنى مش بمقدار مظبوط .