[CENTER]

بعد الساخرة التى نشرها رجل الاعمال نجيب ساويرس والتى يسخر فيها من الاسلاميين بصورة لميكى ماوس وهو ملتحى ومينى وهى ترتدى النقاب دشن شباب الفيس بوك حمله شرسه لمقاطعة جميع شركات نجيب ساويرس وانتشرت الحملة بسرعة كبيرة على الفيس بوك وتم انشاء العديد من الصفحات التى تدعو الى مقاطعة موبينيل ولينك واوراسكوم تليكوم واون تى فى وغيرهم .. اشهر تلك الصفحات صفحة بعنوان " احنا كمان بنهزر يا ساويرس " رداً على اعتذار ساويرس والذى قال فيه " انه بيهزر" وقد ارتفع عدد المشتركين فى تلك الصفحة بسرعة ليصل الى اكثر من 65 الف متابع كما لوحظ انخفاض حاد لشركة اوراسكوم تليكوم التابعة لساويرس وانتشرت الدعوات للتحويل من موبينيل الى اتصالات بنفس الرقم ..

صور بعض الصفحات الداعية لمقاطعة ساويرس

[IMG][/IMG]

[IMG][/IMG]

الا الهزار فى امور الدين
ولا يجب الا نتهاون فى حق ديننا

الاخت نبيله مدحت اسلوبك جميل ونقدك مهذب
اذا كنت تنتقد اسلوب شخص فلا داعى للغلط لانك سوف تجد من هو اوقح منك يستطع الغلط فيك اكثر من غلطك فى الاخر

اسلوب ساويرس ليس للغلط فى المسلمين المصريين فهو كمان مصرى_ انا مسيحى ومصرى من ساعه ما اتولدت وانا مسيحى ومصرى وعمرى ما حبيت يكون عندى خط موبينيل رغم انى اشتريت اول خط ب 2200 جنيه واستلمته بعد شهر من موبينيل وبعد كده حولته بيزنس ولغيته وانا الان مع فودافون واتصالات- 6 خطوط- ولكن ليس لان ساويرس مسيحى يبقى اشترى من عنده؟ البقاله بتاعته مش عجبانى ؟؟ كلام فارغ والراجل ده محترم ومصرى تعتز بيه مصر وما عنده يشتريك ويشترى البلد بتاعتكم كلها و للعلم موبينيل المسلمين اللى فيها 70% من العاملين وكذلك لينك دوت نت

الى بيرد على الاخت نبيلة لازم تعرف ان الفلوس الى عند ساويرس الى بتقول انه يقدر يشتريها ويشترى بلدها بيها دى سارقها من دم المصريين من أيام ما كان عامل دقيقة الموبايل ب 3 جنيه وأن فلوسة مش هتحميه ولا هيقدر يشترى حد بيها إلا السفهاء من أمثالك

ياجماعة مش عيزين الموضوع يعمل فتنة بيننا احنا مش بنقاطع ساويرس عشان مسيحى احنا بنقاطعة عشان استهزاءه بالدين ولو كان مسلم بردو كنا هنعمل معاه كده

وهو لو كان فعلا محترم زى ما بتقول كان يسىء لاى دين ومصر عمرها ما تعتز بواااااحد زى ده

لا هزار في الدين
ساويرس عمل هذا ليعرف رد الفعل لعمل شئ اخطر ومدبرضد الدين

ساويرس مصرى واستهزأ بالدين الاسلامى

ولما جه يعتذر قال بهزر و كأن الدين نكته ومجال للهزار

لما قلنا مقاطعه قلنا ده مش لانه مسيحى لانه لو مسلم كان هيحصل ده واكتر كمان

مفيش حد يقول انه كان بيهزر ليه طفل مش عارف ايه اللى ممكن يتهزر فيه ن اللى ممنوع حتى الجدال فيه امال رجل اعمال ازاى

لالالالالالالا لم يكن هزارا أبدا

ولكنه كان استهزاء حقيقى

وبكده كان ممكن جدا يعمل مصيبة كبيرة فى مصر ولكن ربنا ستر

المفروض ساويرس راجل ناضج ورجل اعمال عاقل وبيعرف يوصل للنجاح ازاى

مش معقول بقى عقله حا يتوقف فجأة ولا ينتبه انه ممكن يعمل كارثة قومية اذا لم يكن قاصدا بالفعل

شكرا مشرفنا الاسكندرانى

المقاطعه مع سويرس دى انذار لاى حد يفكر انه ستهزء بالاسلام وكمان لو كان سويرس بيهزر ما احنا كمان بنعرف نهزر وممكن نرسم شنوده وهو لابس بدلة راس بس يا ترى هتقبلو انه ده برده يكون هزار ولا انا غلطان

انا مع المقاطعه الراجل ده مش عارف اى حاجه عن شركاته والفساد اللى فيها امال ازاى عايز يعمل حزب ويتكلم عن دوله باكملها يروح يشوف مهازل الطريق الصحراوى الاول بعد كده يبقى يتكلم عن حال البلد وحسبى الله ونعم الوكيل.

هذا ردي عليك و على معلمك