السلام عليكم ورحمة الله وبركاتة

موضوعنا انهارده هاتكلم فيه عن كيفية التخلص من مشكلة عدم وصول البن كود من جوجل ادسينس

لما وصلت للمبلغ المطلوب من جوجل ادسينس علشان يتم تفعيل حسابى وارسال البن كود بحثت كثيرا فى كل المنتديات والمواقع الخاصه بالربح الاجنبى منها والعربى ... ولم اجد الا الطريقة التى يعرفها 99% منمستخدمى ادسينس وهى انك تقدم على البن كود اول مره لو موصلش بعد شهر تقدم عليه للمره الثانية لو موصلش بعد شهر تقدم عليه للمره الثالثة حتى يظهر لك لينك تراسل منه اداره ادسينس بصوره للبطاقة الشخصة حتى يتم التأكد من انك شخص حقيقى ....

بصراحة انا لما قريت الكلام ده اتخنقت وقلت طيب انا هاعد فى الموضوع ده 3 شهور المهم الحمد لله
من اول مره تم ارسال البن كود فيها وصل لى فى خلال 10 ايام فقط على عنوانى

اكيد الكل عاوز يعرف ايه السر؟؟

هاقول على السر بس بعد منطلع فاصل نشوف فيه صور جواب البن كود المرسل من ادسينس





اللون الاسود : الاسم بالكامل كما هو فى حساب ادسينس
اللون الاحمر :العنوان كما هو مكتوب فى حساب ادسينس "العنوان ده بقى هو اكبر خدعة الناس مخدوعه فيها وده اللى هانتكلم عليه"

اللون الابيض :الرقم البريدى الخاص بالبريد "وده هو المحور الرئيسى لموضعنا"

===========================
نيجى بقى لكيفية استلام البن كود من اول مره

اولا فى خطأ فظيع جدا الكل بيقع فيه وللاسف الناس بتتناقل المعلومة دى على النت كمان وهى انك علشان تعرف الرقم البريدى بتاعك تقوم رايح على ااقرب مكتب بريد جنب بيتك وده غلط لان مكاتب البريد نوعين "نوع خاص بالفلوس ودفاتر التوفير والمعاشات والكلام ده ... والنوع التانى خاص بالطوابع وارسال البريد فقط
حضرتك مش هاتحتاج ولا واحد من الاتنين دول

انت هاتعمل الاتى بظبط ودى اول خطوة لطريقك لاستلام جواب البن كود بدون اى مشاكل
1- هاتروح لاقرب فرع بريد عند بيتك وتسأل اى حد جوه هو فين مكتب توزيع البريد ؟

ملحوظة مهمة (((انت مش بتعمل كل ده علشان تعرف الرقم البريدى .. انت ممكن تعرف الرقم البريدى لو اتمشيت شوية فى شارعكو هتلاقى مستطيل صغير اوى واحتمال كبير يكون مترب ومكسر وطالع عينو المهم تقدر من خلالة انك تعرف الرقم البريدى الخاص بيك ولو ملقتوش فى شارعكو يبقى هتلاقيه فى الشارع الرئيسى المتفرع منه شارعكو ولو ملقتوش فى الشارع الرئيسى يبقى تابع معايا وانت تعرف هاتعمل ايه)))

الخطوة الثانية بعد متعرف مكان مكتب التوزيع الخاص بمنطقتك هاتروح هناك وهاتدخل هتلاقى ناس كتير اعده بتهزر وبتشرب شاى وشيشة وبتلعب طاولة وكده ...... ايووون عليك نور هما دول اللى المفروض بيوزعوا الجوابات على البشر فى المنطقة عندك المهم انت هاتدخل تكلم اى واحد فيهم وتسأله
لو سمحت يا عمو هو الرقم البريدى بتاع شارع (اسم شارعك) ايه؟
ده لو انت مش عارف الرقم البريدى بتاعك او عاوز تتأكد منو

السؤال التانى هايكون
طيب لو سمحت يا عمو هو مين اللى ماسك التوزيع فى الشارع ده هايقوم قايلك اسمو كذا "انا حظى ان اللى انا كلمتو اول مره هو الراجل اللى ماسك التوزيع عندنا " المهم هاتقوم رايح للراجل المسئول عن التوزيع فى الشارع عندك وتتكلم معاه وتشرحلو الموضوع ايه بظبط وتوصف له شكل الجواب ولو حسيت انو فهمه بطيء اكتبلو اسمك فى ورقة بالانجلش وسبهالو "وعلى فكره بنسبة كبيره اوى هايكون الراجل عارف بيتك وعارف اسمك كمان "

بس انت بقى تقوم قايلو الجواب ده مهم جدا وياريت اول ميوصلك تجبهولى ضرورى وتحاول تحسسة ان الجواب ده مثلا بالنسبة ليك حياه او موت ... هتلاقى الراجل قالك من عنيا وانت تأمرنى والكلام اللى مش بيأكل عيش ده
المهم ثبت الراجل بالكلام وخلاص وانا مش هاقلكم تثبتوه ازاى بقى ....

المهم بعد كده هتلاقى بنسبة 99% ان شاء الله البن كود هايوصلك من اول مره انا الموضوع ده جربتو مرتين مره معاى انا شخصيا والمره التانية صديق ليا قلتلو على اللى انا عملتو وعمل زى ووصل بردو فى خلال اسبوعين


هو ده السر فى عدم وصول البن كود وتلخيص الاخطاء اللى الناس بتقع فيها

1- استخدام رقم بريدى تبع مكتب بريد خاص بالمعاملات المالية
2- كسل موظفين البريد عن تأدية وظيفتهم
3- عدم تظبيط الراجل اللى جابلك البن كود
=====================================

ملحوظة مهمة جدا : اخذ الرقم البريدى الخاص بيك من على الانترنت بيكون غلط بنسبة 80%

ملحوظة مهمة جدا : الخطوة اللى انت بتروح فيها مكتب التوزيع وتكلم فيها الموزع الخاص بالشارع بتاعك هى اهم خطوة وهى اللى بترفع نسبة وصول البن كود من 50% الى 99%

اخر ملحوظة سامحونى : طريقة كتابتك للعنوان لا تأثر بأى شكل من الاشكال على وصول البن كود ( بس مش معنى كلامى ده انك تروح تكتب العنوان بالعربى مثلا او تكتبو بحروف غلط )

واخيرا انا لا اطلب منكم الا الدعاء لى

وهذا الموضوع من اعدادى وليس منقول
وبرجاء فى حاله نقل الموضوع ان يتم ذكر مدونة شباب مصر >>> مع ان مدونتى مش متخصصة فى الربح

والسلام عليكم ورحمة الله وبركاتة

اخى العزيز شكرا على موضوعك الجميل

ولكن كتابة العنوان بطريقة صحيحة وحروف يسهل نطقها بالعربية يجنبك ضياع البين كود

والله انت معاك حق مليون في الميه

جزاك الله خير

بالنسبة لكتابة العنوان .. حضرتك لما هاتروح تتكلم مع الراجل المسئول عن التوزيع فى الشارع هاتكتبلو الاسم والعنوان فى ورقه ده لو حسيت ان الراجل فهمه على قدة ...
ومن الاخر انت مجرد مهاتتكلم مع الراجل عن الجواب وتعرفو انو مهم اوى
والله وعن تجربة هتلاقى الراجل مهتم جدا جدا جدا جدا ولو زنقت معاه اوى ممكن تلاقيه جايبلك كل الجوابات اللى مكتوبة بالانجليزى ويخليك تختار منهم . وكل ده علشان الاكرامية او الحلاوة يعنى ..<<للاسف الشديد ضعف مرتبات الناس الغلابة دول بالاضافة الى ان البريد اصبح شئ قديم جدا هو ده اللى بيأدى الى اهمال توصيل البريد ودى حقيقة فعلا

شكرا على ردك يا خطير جدا ونورت الموضوع

شكرا اخى العزيز

كلامك صح مليون فى الميه

ليه؟

لأنى فعلاً كنت عملت كده
أول مرة مجاش البن كود
تانى مرة قمت رايح مكتب التوزيع واتكلمت مع المسئول عن الشارع أو الحى
بعدها مباشرة بكام يوم لقيته جايبلى الجواب الجديد، والقديم اللى اتبعت فى المرة الأولى وموصلش ...
أيوه .... كان القديم كمان موجود عندهم، والراجل متحركش إلا لما اتظبط

ياجماعة احيانا يتم اصدار البين كود ولا يرسل من جوجل الا بعد ايام واحيانا اخرى يرسل فى نفس اليوم

اطول مدة لوصول رسالة البين كود هى 25 يوم

واقل مدة ودى حصلت معاى 4 ايام

طلبته للمرة التانية يوم الخميس وصل يوم الاحد

شكراااا يا زعيم بجد موضوع ممتاز .... جزاك الله كل خير

شكرا اخى العزيز بجد موضوع ممتاز

انا عندي حساب في جوجل ادسنس ، رصيدي وصل 105 دولار والى الان لم ترسل لي جوجل البين كود،
مع العلم ان الرصيد 105 بقاله اكتر من شهر

ذهبت الى مكتب توزيع البريد الخاص بمكان اقامتي فقالوا لي انه لم يصلنا اي شئ

ومع العلم ايضا ان العنوان اللي سجلت بيه في جوجل مختلف عن عنوان البطاقة الخاصة بي نظرا لتغيير مكان السكن

فقال لي احد الاصدقاء لابد ان يكون عنوان البطاقة مطابق للعنوان في جوجل ادسنس حتى يرسلوا لك البن كود ، فقمت بتغيير العنوان بحيث يكون مطابق للبطاقة ثم ارسلت لجوجل طلب بين كود جديد لانه لم يصلني الي الان

انتظرت لمدة اسبوع ولم يرسلوا لي اي شئ

ثم بعد ذلك ارسلت لل adsense-support@google .com البطاقة الشخصية والID الخاص بي في رسالة
فقاموا بالرد عليا بعدها بدقائق بهذه الرسالة


This is an automated reply.
Replies to this email will not be read.
--------------------------------------------------------------------------

Hello,

Thank you for contacting AdSense support by email.

To get the fastest response to your inquiry, we encourage you to use our
comprehensive self-service resources. You can find the answers to most
AdSense-related questions in just a few minutes by searching or browsing
the Help Center:

Help Center: http://support.google.com/adsense

We’ve recently added a customized contact AdSense support section to our
Help Center where you can quickly find answers to frequently asked
questions and troubleshooters for common issues. We also provide an
open-ended contact form for higher-earning publishers, and we now require
all support requests to come from there.

Contact AdSense Support: http://support.google.com/adsense/bin/request.py

All support requests will be read and, if necessary, replied to by an
AdSense employee. Receiving requests through this form makes it possible
for us to provide faster and higher quality support to a greater number of
publishers.

Thank you for your understanding and we look forward to hearing from you.

Sincerely,

The Google AdSense Team

اريد ان اعرف ما الخطوات اللتي يجب عليا فعلها حتى يصل لي البن كود

ارجوا الرد في اسرع وقت ممكن ، وشكرا لكم