ساندوتشات شاورما اللحمة
المقادير:
½ كيلو لحمة مقطّعة شرائح رفيعة جدا
بصلة مقطّعة شرائح رفيعة
ملعقة صغيرة بهارات لحمة
ملعقة صغيرة ثوم مطحون
ملعقة كبيرة عصير ليمون
ملعقة صغيرة زنجبيل
ملح وفلفل أسود
ملعقة كبيرة خل
ورق لاورا
الطريقة:
1- هاتي طاسة تيفال كبيرة، وحطّيها على النار لغاية ما تسخن، وبعد كده حطّي فيها شرائح اللحمة، وسيبيها على نار هادية لمدة 5 دقائق.
2- بعد كده ضيفي باقي المقادير على اللحمة، وقلّبي المكونات مع بعض كويس.
3- سيبيها على نار هادية لمدة نص ساعة، أو لغاية لما اللحمة تنزّل المية اللي فيها وتشربها تاني.
4- حطّي الشاورما في الساندوتشات، وممكن تقدّمي مع الوصفة دي بطاطس محمّرة وسلطة ثومية.. وبألف هنا وشفا.