استمرارا لسياسه الضحك على الذقون خرجواعلينا بقانون جديد متعلليين بأنه القانون الذى سيحمى مكتسبات ثوره 25 يناير الذى اراقت بها دماء الشهداء الذيين لم يحاكم الى الان من قتلهم بل فى مهرجان البراءه للجميع الكل براءه والجميع تكافىء على مجهوده فهل وصل استخفاف حكومه قنديل بالعب فى الالفاظ الى هذا الحد والا كيف بالله عليكم ان يكون قانون منع التظاهر هو نفسه قانون مكتسبات الثوره ان القانون بكل المقاييس هو قانون طوارىء جديد ولايمت للثوره من قريب او بعيد ؟؟؟ بل هو قانون للقمع وأعطاء الداخليه سلطات لم تكن تحلم بها من قبل ولاحتى فى قانون الطوارىء السابق الذى عان منه المصريين لسنوات طويله وتنفس الصعداء للتخلص منه وسأثبت لكم على ماأقول بالدليل القاطع وسأكون حياديا الى ابعد الحدود مظهرا لكم مال للقانون وما عليه :
القانون
==========

1- إلزام منظمي المظاهرة بإخطار السلطة المختصة قبل تنظيمها بثلاثة أيام على الأقل.

(يعنى من الاخر مش من حقك التظاهر على اى حدثوتتفاعل فى وقتها وطبعا حيكون فيه موافقه امنيه)
2- تحديد المكان والزمان والأسباب التي دعت إلى تنظيمها وخط سير المتظاهرين والأعداد المتوقع مشاركتها في المظاهرة والمطالب التي ينادى بها المتظاهرون.
(وهنا ممكن طبعا علشان يعرفوا المظاهره وخط سيرها واين يذهب البلطجيه وازاى تتلصق المصايب فى المتظاهرين )

3- يمنح مشروع القانون ميزة لوزير الداخلية هي إخطار الوزارة أو الجهة المعنية بمطالب المتظاهرين أو الاجتماع مع المتظاهرين قبل موعد تنظيم المظاهرة.
( ممكن ده هو الحاجه الجيده الوحيده فى القانون)
4- يشترط توقيع ثلاثة أشخاص على الأقل على الإخطار، على أن يتمتعوا بحسن النية أو السمعة وأن يكونوا غير محرومين أو موقوفين عن مباشرة حقوقهم السياسية، ويكونوا مسئولين مسئولية مباشرة عن تنظيم تلك المظاهرة، وذلك دون الإخلال بالمسئولية الفردية عن الأضرار التي قد تنجم عن المشاركين في المظاهرة أو المنضمين إليها.
( بالتأكيد علشان يلبسوا بعد كده كل واحد فيهم كام قضيه )
5- أنه لا تحتسب مدة تنفيذ العقوبة السالبة للحرية من المدة المقررة لتنفيذ الحكم.
( الشرط ده بقى بدعه جديده على قوانيين العالم كله فمن المعروف ان مده الحبس الاحتياطى تخصم من مده المحكوم عليهم لكن نقول ايه انت أكيد فى مصر لازم الوضع يختلف)
6-أن تكون الأحكام التي تصدر تطبيقا لهذا القانون واجبة التنفيذ فورا, حتي لو تم الاستئناف عليها
( بالذمه ده كلام واحد مستأنف على حكم تقوم وزاره الداخليه قبضه عليه ويقلواله مالناش دعوه مستأنف او لا انت محكوم عليه )
7-لوزير الداخلية صلاحية أن يعين الجهة أو المكان اللذين يقضي فيهما المحكوم عليه العقوبة.
( يعنى يروح وراء الشمس ماحدش يعرف عنه حاجه وبالقانون ؟؟؟)
8-أنه لا يجوز وقف تنفيذ التدبير المحكوم به.
( بالذمه فيه اكتر من كده قانون طوارىء )
9-عدم تقييد لحقوق وواجبات هيئة الشرطة المتعلقة بتفريق المتظاهرين.
( وهنا بقى الهنا كله يعنى تعذيب وسحل وكهربا وبالقانون )

بالله عليكم هل يمكن ان يسمى هذا القانون بحمايه مكتسبات الثوره مش عارف بيضحكوا على الشعب المصرى ولا على نفسهم ؟؟؟؟؟

إحنا محتاجين القوانين دى فعلاً لمكافحة الغوغائية والإنقلاب على الشرعية , ولما إنتا واللى زيك معترضين على مهرجان البراءة اللى حصل رغم إننا معترضين أكتر منكم , ليه إعترضتم على إقالة النائم العام ولا عايزين حقوق الشهداء ترجع بدعاء الوالدين ...
يكفيكم خزياً وضع يدكم فى يد مأجورين عكاشة وشفيق والشيوعيين وأقباط المهجر فى جمعه مصر مش فزبة ياللى مسميين نفسكم ثوار وإنتوا أساساً كلكم شوية مأجورين والدليل هو إتحادكم مع الفلول يا فلول .

هو مش خلاص الاخوان عملوا اللي عايزينوه هيطلعوا قوانين لاي حد يفكر يوقف قصادهم وبعد كدا يقولك كله بالقانون هههههههههههه

الكلام ده كله لو صحيح يبقى امريكا محتلة مصر

ليه؟

لان الاسئلة الغبية اسلوب امريكى صرف سببه وجود حاسوب خارق تحت الارض بتعتمد امريكا عليه فى اخذ القرارات

عاوزين يعرفوا امتى و فين و كام علشان الكمبيوتر يفتكس حل

و الحل فى الافكار الجديدة التى لا يمكن كتابتها مثل فيلم اسماعيل يس فى مستشفى المجانين لما حاول يكتب الاصوات الى بيقولها العربجى او لو حتى كتابة كلمةالى بينادى بيها اى حد على كلب بلدى

لذا فلابد من اختراع لغة للثورة