المقادير *كاس ونص حليب + 100 جرام من الدقيق + 2 بيضه +ملعقه كبيره زيت + ملعقه كبيره سكر +نص كيس من الفانيليا ..... كل المقادير دي تحطيها علي بعضها كدا وتقلبيها كويس جدا او الافضل في الخلاط الكهربائي علشان يختلطو كويس ويتعملو اسرع واسهل وتسيبي الخليط ده يرتاح 20 دقيقه علشان يبقي كويس وسمكه كويس وانتي بتعمليه ولما يجهز من الافضل انك تستعملي طاسه تيفال افضل من اي نوع تاني علشان ميلزقش منك وبعدين تحطي فيها شويه زيت صغيرين وتحطي الخليط مره واحده وتحمريه بسيط وبعدين لما تحمر من تحت احمرار بسيط قلبيها وحمري الجانب التاني بنفس السوا وبعدين ممكن تحشيها كاسترد او كريم كراميل مع المكسرات اللى تحبيها وممكن تلفيها وممكن تطويها على شكل مثلثات وممكن تحطي فيها زبيب اي نوع من الحشو بتحبيه حطيه فيه ولفيه علي شكل مثلث وبالف هنا وشفا يا قمرات واكيد باذن الله هتعجبهم وانتي برضه افتكسي حشو اولادك بيحبوه واعمليه فيه وربنا ياويكي علي التغير يا قمر
