بسم الله الرحمن الرحيم
السلام عليكم ورحمه الله وبركاته
اخواتى وحبايبى الحلوين اعضاء وزوار منتدى نجوم مصريه اختكم وحبيبتكم العسوله داليا جيبالكم النهارده من مطبخى الخاص طريقه عمل صينيه القرنبيط ويعتبر القرنبيط من الاكلات اللذيذه والمحبوبه لدى المستهلك واليكم طريقه عمل القرنبيط بطريقه سهله وبسيطه وغير مكلفه ويارب تنال اعجابكم
المكونات
قرنبيط ( حسب عدد افراد اسرتك بس لو واحد بتجيب كتيير)
مقدار زيت للقلى
كسبره بقدونس اخضر
صلصه طماطم
حبه بصله مقطعه
طريقه التحضير
اولا طبعا جيبى القرنبيطه وقطعيهاواحده واحده واسلقيها فى الماء بس ما تخلهاش تستوى خالص وبعد ذلك جيبى طاسه واقلى القرنييط وتكونى طبعا محضره العجينه اللى هى عباره عن ملعقين او ثلاثه دقيق وتربيهم فى شويه ماء وتقطعى فيها كسبره اوبقدونس اخضر وتحطى القرنيطه وتقلى بقى وبعدين تحمرى البصله وتطشى عليها الصلصه وتجيبى صينيه وتحطى فيها التقليه والقرنبيط وتدخليها الفرن لمده نصف ساعه
بالهنا والشفا