ناس بتتجوز عشان الونس
وناس عشان تاخد لقب
وناس عشان نفسها فى اطفال تفرح بيهم
لكن حد فكر ان الموضوع اكبر من كده
واكبر من مجرد قصة حب ؟؟؟؟
مين هنا اختارت زوجها عشان هو حافظ القرآن؟؟مين زوجها حفظها بنفسه؟
مين بتصلى ورا زوجها؟؟
مين اختار زوجة ودوووود؟؟
تعرف يعنى ايه اصلا ودود؟؟
طيب تعالو نحكى من الاول ازاى نعمل بيت سعيد ونفرح بيه دنيا واخرة؟
كل يوم هانتكلم فى حبة نقط حسب تفاعلكم مع الموضوع
هاقولكم افكار بتدور فى راسكم واوضح الصح من الغلط فيها
-------------
=الشباب بقى بيخاف دلوقتى احسن يتخدع فى بنت وتطلع انها كان لها حاجة قديمة مش حلوة
والبنات مش بتثق فى الشباب-
طيب يا ستى انتى احفظى نفسك وانت احفظ نفسك وربنا هيكرمكم باللى يكون بردو تقى نقى زيكم
------
=الشاب لازم يشوف البنت بره الاول ولو عجبته يروح بيتها عشان هى كمان تشوفه
-هو شرعا حقه يشوفها بره بس من بعيد من غير هى حتى ماتاخد بالها مش يقابلها فى كازينو ويقعد معها ويشبهها الا لو فى وجود جمع كبير من اهلها
-شافها برة ليه؟؟عشان ما يتحسبش عليها ان حد جه البيت ومارجعش
--------
=بعض الشباب بيستعبط وفاكر انه واد تقيل واهل البنت بيتقلو كمان والبنت تتوتر وتقلق
-المفروض قبل ما الشاب يخرج من البيت يكون متفق مع والدها انه هو -الشاب يعنى-هيتصل بوالدها يعرف رده يوم كذا بدل ما كل واحد فيهم يستنى التانى يطلبه
------
يعنى الولد قبل ما يروح البيت بيكون شاف وسأل واتطمن
وبعد ما يروح بيستنى هى كمان اهلها يتطمنو
--------
نيجى بقى لمنطقة تانى فى الاختيار
نختار مين اصلا؟؟؟
________________
اختار اللى اهله اصلهم شبه اصلى-اجتماعياااااااا وليس ماديا
يعنى من الاخر اناسب عيلة لها كبير ارجعله
اختار اللى تعليمه يناسب تعليمى
عشان افكارنا وعشان محدش يحس انه اقل من التانى
اختار اللى يقربنى من ربنا******************
دى بقى المهمة اوى
يعنى انا واحد عاوز واحدة تصحينى لصلاة الفجر وتفرشلى سجادة الصلاة وتفكرنى بالورد وتربي ولادى صح
وانا عاوزة واحد يعيننى على الطاعه ويعلمنى دينى ويشجعنى
--------
هانستفيد ايه من الارتباط بزوجة تعرف ربنا؟؟؟؟
ببساطة هاتتقى الله فيك وفى عيالك ومالك ونفسها وتقربك لاهلك وربك
هاتكون ودوووود تودك تخاف عليك وتراعى مصالحك
تقوللك انت اغلى من الدنيا مش تقوللك اشتغل شغلة تانية وتالتة عشان هى عاوزة اشتراك فى نادى
----
طب وانتى هتستفيدى ايه من اللى يعرف ربنا؟؟
هيكون عون ليكى فى كل شئ دنيا واخرة
هيحافظ عليكى
يكبرك قدام الناس ويستر عيوبك ويقومها
------------------------------------------------------
والاستفادة الكبيرة هى اطفال لسة هاتطلع للدنيا عارفة ربنا
يعنى كانكو عملتو صدقة جارية بنربيتكم لولادكم اللى هم هيعلموها لازواجهم وولادهم ومن جيل لجيل تاخدو الثواب
------------------------
وفقنا الله واياكم
-