بسم الله الرحمن الرحيم
السلام عليكم ورحمه الله وبركاته
لكل اخواتى زوار منتدى نجوم مصريه طبعا قرب شهر رمضان والسيدات بتهتم بموضوع الحلويات لاولادها فعشان كده انا جيبالكم اجمل واسهل طريقه لعمل بلح الشام من مطبخى طعمه يجنن احسن من الجاهز اللى بنشتريه من بره واليكم هذه الطريقه بخطوات جميله جدا وسهله وبسيطه اتمنى انت تعجبكم
المكونات:-
2كوب دقيق+ 2كوب ماء + 1/2 كوب زيت+ 3 بيضات حجم كبير+ 1معلقه خل+ ذرة ملح +ذرة سكر+ فانيليا
طريقه التحضير:-
اولا بحط الماء على النار تغلى ولما تغلى بضع فيها الزيت وبخلطهم جيداا وبعدين بننزل بعدها الدقيق ونكون حطين على الدقيق ذره الملح والسكر ونقلبهم بسرعه لغايه ماتلم معانا وتبقى زى الكورة
نسيبها تهدى شويه و بعد ما بردت نكسر بيضه الاولى ونضع فانيليا ونعجن بايدنا لو عندك عجانه ماشى بلا ش المضرب عشان العجينه تقيله عليه وعجنت البيضه الاولى كويس ونفس البيضه التانيه وهكذا نيجى على البيضه الثالثه نضع معلقه الخل عشانا الزفارة والخل بيخلها مقر مشه بعد كده
خلا ص العجينه جاهزة للتحمير نحطها فى كيس الحلوانى ويكون الزيت على البارد والزيت يكون غزير يعنى حطى الزيت فى الطاسه التحمير وتقومى حطه بلح الشام على نار هادئه
ملوظه مهمه جدا:-
الشربات لازم تكون ثقيله
طريقه عمل الشربات :-
2كوب سكر على 1/2 كوب ماء ونضعهم على نار هادئه لحد ما يغلوابعد كده نسيبهم يغلوا 5 دقائق ونعصر عليهم الليمونه ويغلواا وتشوفى انه بقى تقيل اطفى وحطى الفانيليا
بالهنا والشفا