السلام عليكم ورحمه الله وبركاته
الى كل اخواتى اعضاء وزوار المنتدى الكرام والى كل سيدات المطبخ النهارده جايب لكم حلو كتيييير محبوب ومفضل وهو بلح الشام واليكم اجمل واسهل واسرع بلح شام بالطريقة المصرية بخطوات سهله وبسيطه وغير مكلفه يارب يعجبكم
المقادير :
2كوب ماء
2كوب دقيق
نص كوب زيت
4 بيضات
ملعقة فانيليا
الشربات :-
1 ونص كوب سكر .... كوب ماء .... عصير لمونة .... فانيليا
الطريقة : -
نغلى الماء + الزيت مع بعض ونضع الدقيق مرة واحدة ويقلب بسرعة حتى يصبح مثل الكرة قطعة واحدة , ويترك ليبرد قليلا .ثم يضرب البيض + الفانيليا , ويضاف الى العجينة , ويقلب جيدا بالملعقة .
ملحوظة مهمة : لاتضربى العجينه بمضرب البيض علشان بتمسك فى المضرب ومش بتلف معاة أنصح بضربة فى الكبة أو المطحنة بعد تجانس العجينة مع البيض نأخذ قطعة بالملعقة كبيرة وتوضع فى الكبة وتضرب وهكذا حتى تنتهى العجينه , سبب ضربة فى الكبة بتخلى العجينه هشة وحلوه .ونضع الزيت على النار , ونحضر القمع الخاص ببلح الشام , لو معندكيش أستعملى الكيس القماش والقمع الواسع الخاص بالكريم شانتية ونعمل صوابع وتوضع مباشرة فى الزيت , وعند خروجها توضع فى الشربات السميك .. ( ليه سميك علشان يقرمش وميكونش طرى ) يوضع فى طبق التقديم ويرش بجوز الهند ..
وبألف هنا وشفا