طريقة عمل الرز بالجمبرى على طريقتى الخاصة

بسم الله الرحمن الرحيم
السلام عليكم ورحمه الله وبركاته

الى كل اخواتى واعزائى اعضاء وزوار منتدى نجوم مصريه كل عام وانتم بخير
بما ان احنا عندنا فى بلدنا الجمبرى متوفر اليومين دول كتير
فحبيت اجبلكم طريقة عمل الرز بالجمبرى على طريقتى الخاصة
كيلو جمبرى مقشر كويس اى حجم
2كوب ونص من الرز المصرى
2 بصله كبيرة مفرومة ناعم بالسكينة مش مبشورة
فلفل حار حسب الرغبة
معلقة صلصة طماطم (حسب الرغبة برضه)
ملح وفلفل وكمون

الطريقة

بنجيب البصل ونشوحه فى الزيت لحد ما ياخد لون غامق مش اوى عشان مش يمرر يعنى مش محروق بنى فاتح كدا
واول ما ياخد اللون الى احنا عاوزينه ننزل بالملح والفلفل والكمون والجمبرى طبعاونقلب تقليبة بسيطة ونحط الفلفل الحار كمان والى عاوز الرز لونة غامق بيحطة معلقة الصلصة ونقب وبعدين نحط
الرز والمية بتاعته طبعا كل كوباية رز كوباية ماية
ونسيبه على نار عاليه لحد ما الرز يشرب كل المية بتاعته وممكن نحط شبت وكسبرة فى الوقت دا
بيدى طعم جميل اوى برضه
وبعدين نهدى النار خالص ونغطى عليه لمدة خمس دقايق كدا
لحد ما يستوى كويس وبعدين
نغرفه وبألف هنا وشفا ياريت تجربوها