بالرغم انكم مزعليين اوووووووووووى عشان الموضوعات مشاهدات كتير ولا تقييمات ولا ردود بس برضة انتوا حبايبى والله ,وانا عملت فكرة للحمام تغيير عن المسلوق والمحمر يــــــــــــــــــــارب تعجبكوا وماتكسفونيش
نقول بسم الله ونبدا الشغل
المقاديـــــــــــــــــــــــــــــــــــــــــــ ـــــــــــــــــر
- دى مقادير حشو الحمام "للجوز "
- تلت كوباية رز مغسول ومنقوع شوية مش كتير
- لحمة مفرومة متعصجة
- لوز محمص وزبيب
- بصل مقطع مكعبات
- ملح وفلفل اسمر
- معلقة سمن
الطريقــــــــــــــــــــــــــــــــة
فى حلة صغير نحط السمنة ونستنى لما تسخن نحط البصل المقطع مكعبات ونقلب فيه لحد مايدبل
نحط الرز على البصل والفلفل الاسمر ونقلبهم مع بعض
وبعدين نسقيه ميه بس مش كتير يادوب تلات اربع سوا ,وبعدين نظبط الملح بتاعه ونغطى ونسويهم على نار هادية اوى
وبعد كده نحط اللحمة المفرومة والمكسرات ونقلبهم مع بعض وكده بقى الحشو جاهز باذن الله
,خلى بالكوا مش نحشيه اوى عشان مايفكش وكمان الجلد مايتقطعش
نيجى بعد كده نسلق الحمام نص سلقة ,عشان انا موسوسة شوية وبحب ابقى متاكدة من السوا وكمان كنت عايزة شوربة يعنى ضربت عصفورين بحجر واحد ودى مقادير سلق الحمام
بصلة
جزرة
طماطميه
فصين توم مجرد نفتحهم بس من النص
ورق لورا وحبهان ومستكة
ملح وفلفل اسمر
نيجى فى حلة نحط كعلقة سمنة صغيرة ولما تسخن نحط فصين المستكة ولما تسيح نحط الخضار و ورق اللورا والحبهان يتشحوا مع بعض ولما ريحتهم تطلع نحط الميه ولما تغلى المياه ننزل الحمام بالراحة ونخلى الحلة غطاها مش مقفول كويس يعنى نص نص
بعد نص ساعة بالظبط شيلت الحمام من الشوربة يبرد وطفيت النار
وبعدين حضرت زى تتبيله بسيطة يتشوى بيها عبارة عن
طماطم معصورة ومعلقة زعتر معلقة سمن بلدى فلفل اسمر و ذرة ملح
ودهنت بيها الحمام ودخلته الكيس الحرارى و وضعت الكيس فى صنية ودخلته فرن سخن بس على درجة حرارة متوسطة"اللى هى 200 درجة مئوية"
وبعد ساعة الا ربع كان استوى تمام ,ممكن تسيبيه اقل من الوقت ده بس انا بحب ابقى متاكده انه استوى الحمد لله
قيمونـــــــــــــــــــــــــى لو حسيتوا ان الموضوع يستاهل
