انا خللت الفسيخ والسردين
وطلع رووووووووووووعه
ونفس طريقه تخليل الفسيخ هي نفس طريقه السردين
ا\ هنجيب سمك البوري او السردين ونغسلهم كويسس قوي
2\ نضع السمك في مصفي ليك يصفي ونضع السمك واقف في المصفي بحيث ان الراس تحت والديل فوق
3\ بعد مايصفي كويس نجيب كيس بلاستيك وهنرش في الكيس ملح مش كتير
4\هنجيب السمك ونملأ خياشيم السمك علي الاخر ملح
5\ نرص السمك في الكيس وكل رصه خلف خلاف يعني تاني رصه يكون ديل السمك عند راس الرصه الاولي
6\ بعد مانخلص رص السمك نضع علي السك شويه خل وزيت
7\ نربط الكيس كويسه ونحطه في حوالي اربع كياس
8\ انا بحطه في علبه في درج المطبخ ولازم كل يوم تقلبي الكيس علي الناحيه الاخري صبح وبليل
هو في الصيف بيقعد حوالي 5 الي 7 ايام
وفي الشتاء اسبوعين
ودي صور السردين لما يجي يتآكل وبالهنا والشفا