طريقه عمل بسكوت توك المملح وبطعم الجبنة-مكونات بسكويت تووك وطريقه عمله بالصور

السلام عليكم
كتتتتتتتير جدا بيحب طعم بسكويت توك المملح النهرده هنعملوا سوا فى البيت وبمكونات وطريقه بسيطه ان شاء الله تكون سهله وتعجبكم

طريقه عمل البسكويت المملح -طريقه عمل بسكويت بطعم الجبنه- طريقه عمل بسكويت توك

المكونات
2 كوب دقيق منخول
2 معلقه صغيره بكينج بودر
صفار بيضة كبيرة
ربع كوب جبنة رومي يعني 3 شرايح ونص جبنة رومي او يمكن استخدام جبنه شيدر
مقطعين صغير اووي نفتفتهم بايدينا ان شاء الله
4 ملاعق كبيرة زبدة باردة
معلقتين كبار زيت
معلقة صغيرة ملح
ربع كوب حليب + معلقتين كبار حليب

ملحوظه الكمية دي بتعمل يجي 37 بسكوتة توك بالجبنة

طريقه العمل/

نخلط في بولة الدقيق والبكينج بودر مع الزبدة الباردة والزيت
ونفرك الخايط بادينا كويس عشان الدقيق بتشرب الزبده وتكون زي حبات صغننة في الدقيق

ثم قوم يوضع صفار البيضه والجبنة الرومي والحليب ونعجن خليط البسكوت كله لمدة 3 دقايق وهتكون العجينة طرية

نفرد قطعه من العجين على رخامة نرش بسيط دقيق ونفردها كويس بالنشابة
يكون سمكها متوسط مش تخين ولا رفيع
ونساويها وتبقى مستطيل متساوي نقطع شرايط بالطوول وبعدين مربعات عشان تاخد شكل البسكوت مملح


ونعمل نفس الخطوات مع بقية العجينة وبعد تقطيع العجينه نرص البسكويت في صينية مدهونة زيت
ولما نخلص كل البسكوت نجيب عود الشوي ده او شوكة لو حاااابين طبعا اسهل
ونخرم البسكوت بخروم عشوائية بالشوكة عشان يبقى شكله زي بسكوت توك
وبعد مانخلص تخريم البسكوت بالشوكة ندخل صواني البسكوت المملح توك بالتلاجة لمدة نص ساعة لان دي من العجاين اللي لازم تبرد قبل ماندخلها الفرن
عشان تفضل هشة ومقرمشة

طريقة التسوية
نسخن الفرن حرارة 160 الى 170 حرارة هادية لمدة 5 دقايق بسسس
ونحط الصواني عالرف الاوسط لمدة 25 دقيقة الى نص ساعة ان شاء الله

وبعد مرور ال 25 دقيقة الاولى نفتح الفرن نشوف واحدة بسكوت مملح نرفعها من تحتاذا كان لونها دهبى يبقى استوى من تحت اقفلى النار وولعى الشواية عشان ياخد البسكوت لون ذهبى بس خدى بالك كويس منو علشان ما يتحرقش ولما يستوي نسيبه تهدى حرارته في الصواني يجي ربع ساعة

وكدا يبقى جاهز للتقديم بالف هنا وشفا