النهارده اول موضوع ليا قولت نبتدي بالطبخ وهعملكم طريقه عمل فراخ كنتاكي في البيت
تابعوا معايا الطريقه والكل يركز معايا .
وليه اكلف نفسى 150 جنيه اقل وجبة ومتشبعش عيل فى محلات كنتاكى والكنتكى
نبدا بسم الله
اولا المقادير
كيلو من دببيس الفراخ او الاجنحة او فرخة مقطعة على 12 قطعة ونفتح فيها فتحات بسكينة
نتبل الفراخ بى بصل بهارات فراخ ملح فلفل شطة للى يحبه حار لمدة ساعة
بعد ساعة نضيف على الفراخ 3 بيض ونصف كوب لبن
هنا بقا نصف كيلو دقيق البهارت هى
معلقة كبيرة جنزبيل ناعم
معلقة كبيرة زعتر جاف
معلقة كبيرةبقدونس جاف
معلقة كبيرة ببركا
معلقة كبيرة ثوم بودر
معلقة كبيرة بصل بودر
معلقة كبيرة بهارت فراخ
معلقة صغيرة كركم
معلقة صغيرة ملح
معلقة صغيرة فلفل
2 معلقة كبيرة بيكنج بودر
وبعد كدا نلخبطهم علي بعض ونضيف عليهم دبابيش بتاعتنا ولازم الدقيق يمسك علي الفراخ دي اهم حاجه
نترك الفرخ بعد ذلك لمدة 10 دقائق الى 20 دقيقه ترتاح بالتلاجة شويه قبل القلى
بنحط زيت غزير فى حله غويطة ويتسخن جامد وبعدها
ننزل الفراخ فى الزيت وبعد ما تخد لون كده ونهدى النار جدا ونغطى الحلة
الحلة متغطية لمدة 10دقائق ثم نشيل الغط ونعلى النار تانى لحد الفراخ ما تحمرة وتقرمشة
الفراخ بعد التحمير نحطها بمصفايه تكون خرومها رفيعه عشان تصفى الزيت
وممكن تعملي معاها ارز الريزو وسلطة الكلو سلو وبطاطس محمرة
وبالف هنا على اللى كلو واللى هيتفراج ويعمل زيها