عندما تبدأين بالحديث مع الرجل الذى أمامك مهما كان فهناك طرق وأساليب وعلامات يجب ان تعرفيها من أجل أن تجعلى هذا الرجل ينجذب اليكى حيث أن هؤلاء الرجال يهتمون بهذه العلامات وهذه الاساليب عندما تتحديثن معهم لان من خلالها يدرك ما مدى اعجابك به وهل انتى الشخصية التى يبحث عنها ام لا
علشان كده هتركزى على شيئين مهمين عند الكلام معهم :
اولا : شخصيتك
ودى لازم تظهر بشكل بسيط وحاولى انك تكونى صاحبه شخصية بسيطة
ثانيا : طريقتك فى الكلام
ودى هنركز عليها فى السطور القادمه وطبعا لازم تعرفى ان الاهتمام بيولد اهتمام (يعنى لو مش مهتمه بيه مش هيهتم بيكى والعكس )
نيجى للمهم ركزى معايا فى السطور القادمة
اهتمى بابتسامتك
من المعروف عن الرجال انهم يحبون ابتسامه المرأه لذلك لا تبخلى عليه بابتسامتك حسسييه انك سعيده وانتى معاه وانك مبسوطه علشان بتكلميه ( بس احذرى اعملى كده بطريقة طبيعية خالص علشان مايحس انك مصطنعه ولا انك اراجوز)
خليكى رقيقة فى كلامك
ما تتكلميش زى الولاد والرجاله خليكى بنوته رقيقة جميله (غير مصطنعه) اتكلمى باسلوب محترم (ابعدى عن المياصه )
اظهرى ذكائك
الرجل يحب الانثى الذكيه يعنى خاطبى عقله حسسيه انك بتفكرى وانك ليكى رؤيه ووجهه نظر فى الحياه (ما تتمنظريش عليه وتبينى انه جاهل كده هيطفش)
اظهرى ليه انك مبسوطه لانه مهتم بيكى والاهم من كده ماتكونيش سهله عليه
لان الرجل لا يحب الفتاه السهله يحب التحدى وانه يثبت لنفسه انه الاقوى