المكونات
1 كيلو سميد بسبوسه
ربع كيلو سمنه سايحه
ربع كيلو لبن حليب
ربع كيلو عسل جلوكوز
نصف كيلو سكر
1 معلقه جوز الهند مبشوره ناعم
شربات بسبوسه هيكون عباره عن
2 كوب مايه مع كوب ونصف سكر ونصف ليمونه وهنسبيهم يغلوا على النار لحد مايعمل معاكى الشربات هتركنيه على جنب لانى عايزه يبرد لاننا هنسقى البسبوسه وهى ساخنه يبقى لازم الشربات يكون بارد
طريقه البسبوسه
تجيبى اى حاجه عشان تعجنى فيها حله او طبق زجاج او بلاستيك وتحطى اللبن مع الجلوكوز مع السكر مع السمنه وهنضربهم كويس اوى وبعد كده هتضيفى جوز الهند والسميد لحد عجينه البسبوسه ماتتجانس معاكى مع العجن المستمر بعد كده هتجهزى الصوانى المدهونه بالسمنه وتفردى البسبوسه فى الصوانى وتبسيها كويس اوى بايدكى وبعدين تقدرى تقسميها بسكينه تقسيم بسيط اوى قبل دخلوها الفرن وممكن تحطى لوز زى كده وبعد كده على الفرن مباشره على درجه حراره 160 لمده 20 دقيقه او لحد مالونها يحمر معاكى ويبقى دهبى واول ماتخرجيها من الفرن هتسقيها الشربات مباشره وتسبيها تبرد وبعد كده تقطيعها وتقدميها يالا مستنيه ايه قومى بسرعه جهزى البسبوسه وبالهنا والشفا