بسم الله الرحمن الرحيم
السلام عليكم ورحمه الله وبركاته
الى كل اخواتى وحبايبى الحلوين اعضاء وزوار منتدى نجوم مصريه والى كل عشاق اكلات الممبار المصرى فعشان كده اختكم وحبيبتكم العسولة داليا جيبالكم اجمل طريقه لعمل الممبار واليكم هذه الطريقه بخطوات سهله وبسيطه جدا يارب تنال اعجابكم
المقادير:
1/2 كيلو ممبار
3/4 كيلو ارز مصري
مقدار بقدونس وشبت وكسبرة خضرة ونعناع
6 ثمرة عصير طماطم
معلقة كبيرة صلصة
2 ثمرة كبيرة بصلاية
مقدار ملح وفلفل وكمون وشطة وقرفة بودر
مقدار قرنفل بودر وبهارات
ملعقة صغيرة سكر
التحضير:
هنقطع الممبار بحجم مناسب ونبتدي نجهز الحشوة بتاعة الممبار هنغسل الرز ونصفيه ونجهز الخضرة ونقطعها ونعمل بقي التسبيكة اول حاجة هنجيب بصلتين كبار ونقطعهم او نبشرهم زي ما تحبوا ونحطهم في حلة مع حتة زبدة وشوية زيت لحد ما البصل يدبل ويتغير لونه ونضيف عليه عصير الطماطم ومعلقة الصلصة ونسيبهم يتسبكوا شوية وبعدين نضيف التوابل كلها ونظبط الملح وبعدين نضيف معلقة صغيرة سكر بتخلي الطعم مميز ونطفي عليها ونسيبها تهدي شوية و بعدين نضيف عليها الرز والخضرة وماننساش رشة نعناع ناشف بتدي نكهة جامدة اوي وبعد ذلك نبتدي نحشي الممبار بالحشو اللي مجهزينه وبعد مانخلص حشو نبطط الممبار شوية عشان لما الرز بيستوي بيزيد حجم الممبار فعشان يطلع حجمه مظبوط وما يبوظش مننا كمان واحنا بنحشي نخلي الاطراف بتاعة الممبار فاضية شوية عشان الرز ما يقعش منها وتقفل بسهولة لما ننزله في المية
وبعدين بنجهز حلة فيها مية وحبهان وبصلتين ومكعب مرق وجنزبيل بودر وفلفل اسود وملح . ونسيبها تغلي كويس اوي واحنا بنحط الممبار في الحلة نمسكه بايدينا من الطرفين بتوعه مش من طرف واحد عشان الرز ما يقعش منك في المية واول ما هتحطيه في المية هتلاقي الاطراف بتاعته قفلت علي طول نسيب الممبار علي نار متوسطة لمدة ساعة الا ربع تقريبا لحد ما الرز يستوي كويس وكمان الممبار بس برضه ما يمنعش انك تتابعي السوا من بعد مرور نص ساعة ممكن يكون استوي عشان ما يتهريش مننا ويبوظ واول ما يستوي نطلعه من المية علي طول ونسيبه يبرد و بعدين نجهز طاسة فيها زيت غزير ونسخن الزيت كويس ونحط فيه الممبار ونسيبه يتحمر كويس وكل واحدة بقي وذوقها في التحمير اللي عايزاه يتحمر اوي تسيبه مدة اطول
السلام عليكم ورحمه الله وبركاته
الى كل اخواتى وحبايبى الحلوين اعضاء وزوار منتدى نجوم مصريه والى كل عشاق اكلات الممبار المصرى فعشان كده اختكم وحبيبتكم العسولة داليا جيبالكم اجمل طريقه لعمل الممبار واليكم هذه الطريقه بخطوات سهله وبسيطه جدا يارب تنال اعجابكم
المقادير:
1/2 كيلو ممبار
3/4 كيلو ارز مصري
مقدار بقدونس وشبت وكسبرة خضرة ونعناع
6 ثمرة عصير طماطم
معلقة كبيرة صلصة
2 ثمرة كبيرة بصلاية
مقدار ملح وفلفل وكمون وشطة وقرفة بودر
مقدار قرنفل بودر وبهارات
ملعقة صغيرة سكر
التحضير:
هنقطع الممبار بحجم مناسب ونبتدي نجهز الحشوة بتاعة الممبار هنغسل الرز ونصفيه ونجهز الخضرة ونقطعها ونعمل بقي التسبيكة اول حاجة هنجيب بصلتين كبار ونقطعهم او نبشرهم زي ما تحبوا ونحطهم في حلة مع حتة زبدة وشوية زيت لحد ما البصل يدبل ويتغير لونه ونضيف عليه عصير الطماطم ومعلقة الصلصة ونسيبهم يتسبكوا شوية وبعدين نضيف التوابل كلها ونظبط الملح وبعدين نضيف معلقة صغيرة سكر بتخلي الطعم مميز ونطفي عليها ونسيبها تهدي شوية و بعدين نضيف عليها الرز والخضرة وماننساش رشة نعناع ناشف بتدي نكهة جامدة اوي وبعد ذلك نبتدي نحشي الممبار بالحشو اللي مجهزينه وبعد مانخلص حشو نبطط الممبار شوية عشان لما الرز بيستوي بيزيد حجم الممبار فعشان يطلع حجمه مظبوط وما يبوظش مننا كمان واحنا بنحشي نخلي الاطراف بتاعة الممبار فاضية شوية عشان الرز ما يقعش منها وتقفل بسهولة لما ننزله في المية
وبعدين بنجهز حلة فيها مية وحبهان وبصلتين ومكعب مرق وجنزبيل بودر وفلفل اسود وملح . ونسيبها تغلي كويس اوي واحنا بنحط الممبار في الحلة نمسكه بايدينا من الطرفين بتوعه مش من طرف واحد عشان الرز ما يقعش منك في المية واول ما هتحطيه في المية هتلاقي الاطراف بتاعته قفلت علي طول نسيب الممبار علي نار متوسطة لمدة ساعة الا ربع تقريبا لحد ما الرز يستوي كويس وكمان الممبار بس برضه ما يمنعش انك تتابعي السوا من بعد مرور نص ساعة ممكن يكون استوي عشان ما يتهريش مننا ويبوظ واول ما يستوي نطلعه من المية علي طول ونسيبه يبرد و بعدين نجهز طاسة فيها زيت غزير ونسخن الزيت كويس ونحط فيه الممبار ونسيبه يتحمر كويس وكل واحدة بقي وذوقها في التحمير اللي عايزاه يتحمر اوي تسيبه مدة اطول