السلام عليكم ورحمه الله وبركاته الي كل ربه منزل نقدم لها اليوم طريقه عمل محشي الكوسا وهو من اطعم المحشيات التى يعشقها الكبار والصغار وذلك لطعمه المميز والرائع والمحشي عامه من الذ الاكلات المصريه التى تبدع الست المصريه في عملها فكل سيده تقوم بعمل المحشي بطريقتها الخاصه والمميزه ولكننا سنقوم بعمل محشي الكوسا ولكن بطريقه مختلفه وهي محشي كوسا بالبشاميل وطعمه جنان وتحفه ان شاء الله هتعمليه علي طول لانه هيبقي طبق مميز لكي طبعا تعالي معانا يالا لما نعمل المحشي مع بعض
اولا المقادير:
كيلو كوسة
طماطم + زيت او سمن + شبت وكسبرة خضراء
بصل + ثوم + فلفل اخضر
بهارات حلوة كمون فلفل اسمر بهار محشى من عند العطار
أرز + لحمة مفروم حسب الحاجه
الطريقه :قومي بغسل الكوسه كويس وبعد كده قوريها بس مش قوي وتقشريها واحتفظي بالاشياء التى نتجت عن التقوير هنحتاجها بعدين تغسيلها وتحطيها في الاء والملح لمده ساعه
ودلوقتى بقي هنعمل صلصه المحشي وهى دى سر الطعم المميز للمحشي ,قومى بتحمير البصل ثم تضيفى الثوم والفلفل وبعد ذلك تضيفى الطماطم الى ان يتم التسبيك تماما وكل مالصلصه اتسبكت اكتر كل ماكان طعم المحشي احلي
اضيفي الارز وتضيفى الشبت والكسبرة بعد تقطيعها طبعا والبهارات الحلوة وتقلبى على نار هادئة لمدة 5 دقايق لحد ما تحسى ان الارز بدا يمسك فى بعضة
بعد كده تجيبي صينيه وتحطى فيها الحشو اللي طلع من تقوير الكوسه اللي قولنا نحتفظ بيه ونفرشه في الصينيه وتحشي الكوسا وتتطيها علي الحشو دا
وبعد كدا تجيبي (2 حبة طماطم + بصلة + ثوم + بهار+ عصير نصف لمونة + شوية زيت + شوربة او مرقة دجاج) ودا بقي سر الطبخه وتخلطيهم مع بعض في الخلاط وتحطيهم علي الكوسا وتوضع في الفرن حتى النضج
ولو عايزاها بقي بالبشاميل نفس الطريقه اللي فاتت بس متحطيش الخلطه الاخيره بتسويها بالشوربة قليلة وبعد شويه بتضيفى البشاميل عليها وتوضع بالفرن وبالهنا والشفا طعمها بيبقي جميل قوي ومميز
اولا المقادير:
كيلو كوسة
طماطم + زيت او سمن + شبت وكسبرة خضراء
بصل + ثوم + فلفل اخضر
بهارات حلوة كمون فلفل اسمر بهار محشى من عند العطار
أرز + لحمة مفروم حسب الحاجه
الطريقه :قومي بغسل الكوسه كويس وبعد كده قوريها بس مش قوي وتقشريها واحتفظي بالاشياء التى نتجت عن التقوير هنحتاجها بعدين تغسيلها وتحطيها في الاء والملح لمده ساعه
ودلوقتى بقي هنعمل صلصه المحشي وهى دى سر الطعم المميز للمحشي ,قومى بتحمير البصل ثم تضيفى الثوم والفلفل وبعد ذلك تضيفى الطماطم الى ان يتم التسبيك تماما وكل مالصلصه اتسبكت اكتر كل ماكان طعم المحشي احلي
اضيفي الارز وتضيفى الشبت والكسبرة بعد تقطيعها طبعا والبهارات الحلوة وتقلبى على نار هادئة لمدة 5 دقايق لحد ما تحسى ان الارز بدا يمسك فى بعضة
بعد كده تجيبي صينيه وتحطى فيها الحشو اللي طلع من تقوير الكوسه اللي قولنا نحتفظ بيه ونفرشه في الصينيه وتحشي الكوسا وتتطيها علي الحشو دا
وبعد كدا تجيبي (2 حبة طماطم + بصلة + ثوم + بهار+ عصير نصف لمونة + شوية زيت + شوربة او مرقة دجاج) ودا بقي سر الطبخه وتخلطيهم مع بعض في الخلاط وتحطيهم علي الكوسا وتوضع في الفرن حتى النضج
ولو عايزاها بقي بالبشاميل نفس الطريقه اللي فاتت بس متحطيش الخلطه الاخيره بتسويها بالشوربة قليلة وبعد شويه بتضيفى البشاميل عليها وتوضع بالفرن وبالهنا والشفا طعمها بيبقي جميل قوي ومميز