الى احلى بنات هقدملكم دلوقتى احلى طريقه انا عن نفسى بشوى بيها الفراخ فى البيت وبتتطلع تحفه بصراحه واتمنى تجربوها وتعجبكم ابدا بالمقادير
المقادير:
1ـ فرخه او اتنين حسب العدد بس ضرورى تكون فراخ مجمده
والحجات دى للتتبيل
طماطم ـ فلفل اخضر ـ بصل ـ ملح وفلفل اسود ـ لمون
وكمية التتبيل حسب عدد الفراخ على اساس لكل فرخه عدد واحده بس من الطماطم او الفلفل او البصل
واللمون كمان
الطريقه :
بنجيب الفراخ ونغسلها كويس جدا بالميه والملح دا طبعا بعد تقطيعها بالشكل دا
وياريت نعمل شرطات بالسكينه على الفراخ
بعدين بنعمل التتبيله بتجيبى الكبه وتضربى فيها البصل والطماطم والفلفل ونخليهم ناعمين شويه
علشان يتخلله الفراخ
وبعدين نحط الفراخ فى وعاء عميق ونحط عليهم التبيله ونحط بقا التوابل واللمون
ونبدا ندعك الفراخ مع التتبيله كويس وندخلها تحت الجلد كويس
ونتركها فى الثلاجه لغاية الصبح بعد ما نغطى الوعاء
والصبح بقا تحطى كل قطع الفراخ جنب بعض فى صنيه وتدخيها فرن وتولعى الفرن من تحت
والشوايه من فوق وتخلى الفراخ فى نص الفرن
وتاخدى بالك منها اول ما يحمر الوش اللى فوق نقلبها وما بتاخد فى الفرن اكثر من ساعه
وبتطلع من الفرن نفس الشكل دا
دمتم بود