طريقه عمل الصلصال فى المنزل

كل ام بتخاف على ابنائها من الصلصال لانه ماده سامه ممكن الطفل ياكله او يبلعه وده طبعا خطر عليهم لكن انا جبتلك وصفه طبيعيه من صنع ايديكي وكمان امنه على ابنائك وفي نفس الوقت هاتخليهم يلعبوا ويستمتعوا بوقتهم وانتي مش خايفه عليهم.

طريقة عمل صلصال في البيت؟

الوصفه هي: كوب دقيق_كوب ماء_نص كوب ملح_ملعقه زيت طعام_الوان طبيعيه_2 ملعقه خل او ليمون المتاح عندك.
الطريقه:
هاتحطي الدقيق والماء والملح والزيت والخل او الليمون في طبق وتخلطيهم كويس وبعدين تحطيهم عالنار هادئه لمده 10 دقايق وانتي بتقلبي لغاية مالمكونات اللي في الطبق تتماسك وهاتشليها من عالنار وتسيبيها تبرد شويه وبعدين تجيبي الالوان الطبيعيه اللي عندك وتقسمي العجينه الي اجزاء متساويه وتحطي عليها الالوان دي, وبكده تكون جاهزه عندك صلصال امن غير سام لاطفالك.