ستات كتير بتتضايق من شكل لمبات البيت القديمه والتقليديه والغير كافيه في الاضاءة انا جبتلك طريقه حلوة وسهله وشكلها حلو وجديد وغير مكلف وده طبعا باستخدام الورق المقوي طبعا هاتستغربي لكن هاقولك الطريقه ازاي: هاتجيبي كميه من ورق المقوي وده طبعا بيتباع في اي مكتبه ومقص ولمبات صغيره الجحم او كبيره على حسب ماتحبي ومسامير رفيعه صغيره عشان متبقاش باينه وشكلها وحش لما تعلقي اللمبات وسلك كهرباء من عند اي محل كهربائي, هاتجيبي الورق وتبدي ترسمي عليه نجمه وتقصيها في النص وتحطي اللمبه جوه الفتحه طبها هاتقصي على قد اللمبه اللي انتي جيباها وتجيبي السلك وتوصليه بالكهرباء وتقومي تعلقيها على مسامير في الحيطه اللي طبعا محتاجه فيها الاضاءه, ولو عايزه تلوني الورق بالالوان الخشب الحلوة والمختلفه لونيها برده على حسب ماتحبي وكمان ممكن على حسب لون الاوضه اللي هاتحطي فيها الاضاءه وممكن كمان تعملي اشكال مش شرط نجمه, زي مثلا اوضة اطفالك ممكن تعملي دباديب او اشكال عرايس وبكده تكوني غيرتي شكل اللمبات وعملتي اضاءه كافيه عندك.
