اعملي نجف وابوجورات لبيتك من صنع ايدك من اعاده التدوير-

لو عايزه تغيري شكل الديكور عندك في اي اوضه في بيتك او شكل الاضاءه تعالي اقولك على افكار ممكن تعمليها من ادوات في البيت وتغيري شكل بيتك بنفسك.........

استخدام اعاده التدوير فى عمل نجف وابوجورات ووحدات اضائه

الخامات المستخدمه
كل اللي هتحتاجيه كرتونه _ صمغ _ مقص _ ولمبه
هاتجيبي الكرتونه وتقطعي الحته منها وبعدين تقصيها بالمقص شرائح وبعدين تتني الشرائح دي وتلزقيها ببعض بس تعملي كذا واحده وبعدين تجيبي حته من الكرتونه وتحاولي تقصيها على هيئة شكل وتحطي اللمبة في وسطها وبعدين تبدأي تلزقي الاشكال اللي عندك على بعض وهايبقى الشكل النهائي ليها ده.

عمل نجف وابوجورات من العلب البلاستيك

وكمان في طريقة تاني:
هاتجيبي كل العلب البلاستيك _ابره وخيط
هاتبدأي تقصي من العلب دي دواير حتى يتكون عندك عدد كتير من الدواير وبعدين تخرميها الدواير دي من فوي وتحت وتوصليها ببعض بالخيط وبعدين هاتجيبي النجفه اللي عايزه تغيري شكلها وتلزقي عليها الدواير دي وتربطيها بالسلك زي موضح في الشكل كده.






وكمان في فكرة حلوه وهاتعجبك
عمل نجف وابوجورات من اعاده تدويرالجرائد والمجلات

ممكن بدل ماترمي الجرائد والمجلات اللي مش عايزاها تعالي اقولك تعملي ازاي
هاتجيبي كل الجرائد والمجلات اللي مش عايزاها وطبعا تكون كميه وهتبدأي تلفيها رول وتلزقي اخرها لحد مايكون عندك عدد كتير وتحطيهم فوق بعض وتلزقيهم وبعدين تجيبي فاظه مش عايزاها او علبه بلاستيك وتخرميها وتحطي فيها اللمبه وتلزقي عليها الورق ده اللي عملتيه وده هايبقى شكلها.