انهاردة هقولك الاول مبروك لكل الموجودين فى نجوم مصرية لعودة الاعلانات
انهاردة جبتلم طريقة عمل المكرونة بالبشاميليوا من مطبخى خطوة بخطوة والصور
نبدأ بالمقادير
الاول المكرونة تلات حاجات
عصاج
بشاميل
مكرونة مسلوقة
نتكلم فى العصاج الاول
هنحتاج لحم مفرومة وبصل مفروم
وانا بحط فلفل اخضر مش كتير يعنى حسب رغبتكم طبعا
طريقتى فى عمل العصاح
بحط اللحمة والبصل والفل الاخضر
فى الكبة واضربهم مع بعض كله وانزله على النار مع بسيط من الزيت واضيف البهارات واسيبه يستوى براحته كدا
وبعدين نيجى للبشاميل عبارة عن
3معالق مادة دهنية(سمنة او زيت اوزبدة)انا بحط معلقة من كل نوع
3معالق دقيق
ملح وفلفل
جبنة كوبايت بريزدون او اى نوع(حسب الرغبة)هيا بتدى قوام وغنى للبشاميل
بنفضل نقلب كويس على نار هادية لحد ما نحس ان الدقيق استوى واندمج مع السمنه كدا
وبعد كدا اضيف اللبن مع التقليب المستمر
على طول لحد ما يبقى مظبوط
ونسيبه على النار مع التقليب دايما ونضيفله الجبنة لو حابين نضيفها
طبعا المكرونة بتكون مجهزنها وسلقنها مع ملح وزيت
ونلخبط معاها شوية بشاميل كدا
ونجيب البايركس وندهنه سمنه من تحت والجنب ونحط شوية بشاميلو
ونضيف نصف الكرونة
والباقى نلخبط معاه نصف اللحمة
ومنحطوش الوقتى
نحط النص الاولانى كدا
وبعدين شوية بشاميل
وبعدين نحط العصاج
وبعدين بقية المكرونة الى حاطين معاها كمان عصاج
وانا حطيت باقى البشاميل على الوش وكام حتة سمنة ورشيت بقسماط خفيفة اوى عشان الوش يقرمش ويتحمر حلو
يارب تكون عجبتكم وبالنا والشفا