نصائح لعمل كيكه ناجحه ومرتفعه
اول حاجه لازم تحطي صينيه الكيكه في النص عشان ماتتحرقش
ممكن تحطي ورق زبده في الصينيه عشان يبقى سهل عليكي تطلعي الكيكه وكمان ماتلزقش
اخلطي المكونات السائله مع بعضهم والمكونات الصلبة مع بعضها عشان يكون سهل عليكي تحضيرها
وبعد ماتحطي العجينه بتاعت الكيكه ممكن تخبطي الصينيه خبطه خفيفه عشان تطلعي اي هوا منها
ممكن تفتحي الفرن وتتدوري الصينيه عشان تستوي كويس
وكمان ممكن عشان تعرفي انها اتسوت تغرسي فيها سكينه لو ماطلعش في السكينه اي عجين تبقى استوت
وبعد ماتطلعيها متحطهاش عالرخامه عالطول حطيها عالبوتجاز عشان متهبطش في النص منك
ومتزوقيش الكيكه هي وسخنه استني لما تبرد.