السلام عليكم ورحمة الله بوركاته

طبعا كتير مننا من ستات البيوت فى اول صناعته للكيك بيعمل محاولات كتير جدا واكترها بتنتهى بالفشل وانا عن نفسى كنت واحدة من الستات دول

بس الحمدلله دلوقتى بقيت اعرف اعملها وعشان انا حسيت باخواتى الستات الى زى انا جبتلكم طريقة حلوة اوى انهاردة ومفهاش تفاصيل كتير على الاقل نبدأ بيها لحد ما نتعلم الطريقة الصحيحة للكيك
لان احنا لو فضلنا كدا هنكره لكيك قبل ما نعرف نعمله

المهم من غير كلام كتير هنشوف مع بعض هنحتاج ايه

- 4 ملاعق كبيرة زبدة وتكون بحرارة المطبخ
- ½ كوب سكر.
- 1 ¼ كوب شيكولاتة مبشورة.
- 1 بيضة كبيرة.
- ½ كوب بندق محمص ومجروش.او اى مكسرات نحبها
- 2 كوب كسرات بسكويت شاى.


شوفتوا اد ايه المكونات سهلة وبسيطة
ندخل بقن على الطريقة

والمفاجاة الكبيرة الكيك دى مش بتدخل الفرن


اول حاجة هنجيب البسكويت ونهرسه فى المكسر او اى اله عندكم زى ما تحبوا
وهنجيب صينية او بايركس اى حاجة عندنا ونجيب ورق النايلون ونغطى الصينية من القعر ونساويها فى الجوانب كويس
ونجيب بولة ونضرب فيها الزبدة والسكر مع بعض

ونكون سيحنا الشوكلاتة فى حمام مائى نضفها عليهم ونضرب كويس وبعدين نضيف البيضة ونعدين نضيف البسكويت المهروس مع المكسرات المهروسة الى حضرناها ونقلب كويس بس بحذر
ونغرفها فى الصينية وندخلها الفريزر لمدة ساعتين وبألف هنا وشفا

تسلم اديكى بس دى اسمها لازى كيك وعلى فكره هجربها شكلها بيشهى

تسلمى على المعلومة وكويس انها اعجبتك