السلام عليكم ورحمه الله وبركاته
اهلا وسهلا لكل الاعضاء وزوار منتدى نجوم مصريه الاعزاء الكرام والى كل عشاق اكلات القرنبيط النهارده جيبالكم طريقه قرنبيط روووووووووووووعه ويعتبر القرنبيط من الاكلات المحبوبه والمفضله لدى الكبار والصغار واليكم اجمل واسهل واطعم طريقه لعمل القرنبيط من مطبخى يارب ينال اعجابكم ورضاكم
المقادير: ثمرة قرنبيط 5 ثمرة طماطم مقدار كسبرة خضراء مقطعة صغير ثمرة ثوم مقدار ملح_فلفل اسود مقدار كركم _كسبرة ناشفة _شطة عدد 3 بيضات مقدار دقيق
التحضير: - بعد متسلقي القرنبيط اتركيه حتي يبرد شوية ومتنسيش تحطي شوية ملح في ماء السليق
وبعدين جهزي الخلطة
الطبخ: - تفرمي الطماطم في الخلاط
- دقي الثوم ومعاه الكسبرة الخضراء
- اخفقي البيض وحطي معاه شوية فلفل اسود علشان الزفارة طبعا
- في طبق عميق او حلة حطي الطماطم المفرومة ومعاها الثوم والبيض والملح والبهارات
- وبعدين حطي الدقيق حسب قوامها يعني متكنش متماسكة قوي ولا سايبة قوي زي قوام الكيكة مثلا
- حطي الطاسة علي النار وفيها زيت يكفي
- حطي القرنبيط في الخلطة دي يعني تغطيه كويس بالعجينة وتحطيها في الزيت
- وحمريه كويس من كل الجوانب وبعد متطلعيه حطيه علي مناديل او ورق علشان الزيت الزايد