مش دهنى أوى ولا جامد .. يعنى وسط .. وهو شبيه بالبيتى فور .
أولاً : المقادير :
2 كوب دقيق - كوب الا ربع سكر بودرة - كوب الا ربع ذبدة سايحة - 2 بيضة - معلقتين بيكنج باودر - معلقتين قرفة - كوب من اللبن حسب الحاجة - ورشة ملح
ثانياً : الطريقة :
يوضع الدقيق ويضاف إليه البيكنج بودر والقرفة ويقلب جيدا.
نضيف للخليط الزبدة مع التقليب ويضاف أليه السكر .. هانقلب الخليط كويس جدا عشان السكر يدوب فيه .. نضيف البيض للخليط مع قليل من اللبن .. واللبن ده هو اللي بيساعد فى تنشيف البسكويت .. نقلب الخليط كويس جدا ويوضع فى الثلاجة عشان العجينة تجمد شوية .
ودلوقتى نرش شوية دقيق على الرخامة لفرد العجينة ونحاول نخليها سميكة شوية يعنى نصف سم مثلاً . ونقطعها بأى شكل احنا عايزينه يعنى نستخدم قطاعة على شكل نجمة أو دايرة .
يوضع البسكويت فى صاج وبنبعد كل بسكويتة عن التانية لأن البيكنج باودر هايخليه ينفش . ندخل الصاج الفرن على درجة حرارة 170 لمدة 10 دقائق أو ربع ساعة بالكتير .
ملحوظة : 1- لم نستخدم الفانيليا لوجود القرفة .. لأن القرفة كافية أنها تضيع رائحة البيض .
2- غير مهم دهان الصينية أو الصاج بالزيت لأن البسكويت بيحتوى على كمية وفيرة من الذبدة .
وبالهنا والشفا
