نجوم مصرية
منتديات نجوم مصرية منتديات شباب وبنات بنات طبخ و وصفات

تابع نجوم مصرية على أخبار جوجل
أو لايك من فضلك على فيس بوك



طريقة عمل لقمة القاضى المقرمشة وعن تجربة وبالصور كمان

 


الشتاء بيحب الحاجات الحلوة والحلويات منقسمة الى حلويات شرقية ودى من عندنا
مش من الشرقية ولا حلويات الشرقية لا يعنى من بلاد الشرق العربى اقصد المشرق زى مصر والشام وكل البلاد المجاورة علشان محدش بزعل والحلويات الشرقية اغلبها يستخدم السمن والزيوت والشربات او الحلا او القطر وبيكون معقود واهم الحلويات البسبوسة ووكل واشكر وعيش النمل وسرايا الباشا وبراغيت الست وصوابع زينب ولسه المطبق وكمان وجبة اليوم الزلابيا ولقمة القاضى
النهاردة عملت لكم حاجة حلوة وسهلة ومقرمشة
لقمة القاضى بتبقى اصغر شوية من الزلابية و
انا كنت باعملها بس بصراحة مكنتش بتبقى مقرمشة كده

وكمان لو قعدت لتانى يوم [L]
بتطرى وبتبقى صعبة اوى

لكن بعد ما جربت

الطريقة دى طلعت هشة
ومقرمشة
وتانى يوم زى اول يوم
تحية منى لمن علمتنى هذه الطريقة
وربنا يبارك لها ويجازيها خيرا


ندخل على الصور عدل


المقادير



2كوب دقيق
2 م .ك ممسوحة نشا
1كوب ونصف ماء دافىء
3 م.ك.زيت
1م.ك خميرة فورية او بيرة
1م.ك سكر بودرة
ذرة ملح




للشربات

1ونصف كوب سكر
كوب ماء
عصير نص ليمونة



بنجهز الشربات ونسيبه يبرد
بنرفع السكر والماء على النار بدون تقليب
لغاية ما السكر يدوب
ولما يغلى نضيف الليمون ونوطى النار لغاية ما يعقد ويتقل
ونسيبه يبرد



نروح للقمة القاضى يا حلوين


نحط كل المقادير على بعض والماء فى الاخر
اظن مفيش اسهل من كده

ونقلب كويس لغاية ميكونش اى تكتلات دقيق
تابع نجوم مصرية على أخبار جوجل
أو لايك من فضلك على فيس بوك




نغطيها ونسيبها فى مكان دافىء ساعة


وده شكلها بعد التخمير
ودى صورة اقرب للعجين
ما شاء الله خمرت ومليانة فقاعات هوا باينة فى

نهبطها بمعلقة تانى ونبتدى نلت فى العجينة شوية
ونرجع نغطيها تانى تلت ساعة


ده بعد ما هبطت
وده شكلها بعد ما خمرت تانى التلت ساعة

ندخل على القلى
جهز المقلاية ولقمة القاضى عايزة زيت سخن غزير

ونقطعها جوه الزيت

انا باقطعها بالطريقة التقليدية
باخد جزء من العجينة بايدى الشمال و عليها
تطلع العجينة اقطع جزء بمعلقة صغيرة
واحطه فى النار ويبقى جنبك سلطانية فيها نقطة زيت
تحطى المعلقة فيها علشان متلزقش معاك
فى ناس بتستخدم مية بس ده غلط
لانها لما بتحطى المعلقة فى الزيت المية بتفضل تفرقع

ارجو ان تكون فهمتونى
انا كنت حاصور الخطوة دى بس معرفتش
ايدى كانت كلها عجين


بعد الكلام ده زمانها احتمرت


متنسيش تهدى النار لغاية ما تملى المقلاية كلها

اول ما تستوى على الشربات علطول

نسيبها تشرب شوية من العسل ونرفعها فى طبق التقديم
شوفوا من جوة فيها فراغ زى مش مكتومة


ودى ممكن تستغنى عن الشربات وتحطى جواها كريم شانتيه وترشيها بفستق مجروش او سكر بودرة


يعنى بدعى زى ما انتى عايزة

فيديو مفصل الطريقة


سؤال اخير محيرنى هى ليها اسمها لقمة القاضى مش لقمة الوزير ولا العمدة والباشا اللى يعرف يقولنا الحكاية




تابع نجوم مصرية على أخبار جوجل
أو لايك من فضلك على فيس بوك




المقال "طريقة عمل لقمة القاضى المقرمشة وعن تجربة وبالصور كمان" نشر بواسطة: بتاريخ:
رد زائر
thanks for this meal
nice video
ayado
شكرا جميلة جداااااااااااااااااااااااا



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
طريقة عمل لقمة القاضى المقرمشة والهشة (الزلابية )
كباب الحلة اسهل واسرع طريقة وبالصور كمان
طريقة عمل لقمة القاضى

Powered by vBulletin Version 3.8.8
Copyright ©2000 - 2023, Jelsoft Enterprises Ltd
جميع الحقوق محفوظة © fmisr.com منتديات نجوم مصرية