وفى بعض النصائح المهمة اللى بيها ممكن تقدرى تختارى بوكيه الورد بشكل صحيح عشان يلاقى إعجاب من الناس كلها :
أولاً : بالنسبة لحجم البوكيه : بتختارى الحجم حسب حجمك وطولك انتى ، يعنى مثلاً لو كنت طويلة وممتلئة بتختارى البوكيه كبير ومناسب ليكى ، أما لو كنتى قصيرة فبتختارى بوكيه صغير نسبياً .
ثانياً : ابتعدى عن استخدام الجليتر البراق اللى بيترش على البوكيه وكمان حاولى تبعدى عن أى مواد ممكن تسيب أثر فى ايديكى لأن فستانك أبيض وهيتأثر بأى شئ .
ثالثاً : قبل اختيارك للبوكيه لازم تزورى قاعة الفرح الأول وتشوفى الأزهار الموجودة فى الكوشة أو على الطاولات وممكن تنسقى البوكيه بتاعك مع ألوان الزهور دى لأنها حاتدى شكل متكامل وجميل .
رابعاً : انتبهى لاختيار الألوان طبقاً لفصل السنة الحالى أو اللى هايكون فيه فرحك . يعنى مثلاً لو كان فرحك فى الشتا اختارى لون الورد الأبيض أو الأحمر ، ولو كان فرحك فى فصل الصيف اختارى مثلا زهرة الياسمين ، أما لو كان فرحك فى شهور الخريف فبتستخدمى الورود الغنية بألوان الأصفر والبرتقالى . ولو كان فرحك فى فصل الربيع فهايكون أنسب حاجة الأزهار ذات اللون الوردى .
خامساً : استخدمى الاكسسوارات التى تزيد جمال بوكيه الورد ولا تقلل منه ، وكلما كان بوكيه الورد بسيط هايكون أفضل لأن جمله ليس بثمنه الغالى ولكن فى رقته واختيار الأنسب .
