اليوم سابدا باذن المولى عز وجل سلسله اكلات منال العالم من مطبخ منال العالم اليكم مباشرة سانقل اليكم جميع اكلات منال العالم التى حازت على اعجاب الكثيرين
وسابدا معكم بشوربة العدس لانها اكله بيفضلها العديد من الناس فى الشتاء وخاصة الشعب المصرى علشان مطولش عليكم ندخل مباشرة على المقادير والطريقه
المقادير :
كوب عدس متنقى ومغسول ـ بصله متوسطة الحجم ـ مكعب مرقة ماجى ـ ثوم ( حوالى من 3 الى 4 فصوص ـ ماء حسب الحاجه ـ وحدة طماطم كبيرة الحجم
الطريقه :
1 ـ تحضرى اناء عميق لطبخ العدس وتضعى فيه كمية من الماء حسب كمية العدس اللى هتعمليها وتضعى الماء على النار
2 ـ اول ما تلاقى الميه بدات تسخن تضيفى العدس والطماطم والبصل بعد ما تقطعيهم
وتضيفى معاهم التوم ومرقى الماجى تتركيهم يغلو حوالى ساعه كدا
3 ـ بعدين تشيلى الشوربه من على النار واول ما تهدا تخلطيه فى الخلاط وترجعيه تانى على النار شويه لمدة خمس دقيق تضيفى فيها البهارات اللى تحبيها
بس وبالهنا والشفا مع عيش شمسى وشوفى الطعم وتقدرى تضيفى بعض الخضار لو تحبى زى البطاطس الجزر برضو بيدى طعم روعه
دمتم بود