البيتزا من اهم الاكلات التى اصبحت لها شهرة واغلب المصريين بيحبوها ولكن لان اسعارها بتبقى غالية فى ناس كتير عشان كده الناس بتحاول تعملها فى البيت واكلة البيتزا هى اكلة ايطالية تعود اصولها الى مدينة نابولى الايطالية . واصبحت معروفة عالمية وانتشرت بشكل رهيب فى كل البلدان وتعد هذه الاكلة من الوجبات الرئيسية كما انها تعد من انواع المقبلات وتتكون البيتزا الكلاسيكية من العجينة - والصلصة والطماطم والجبنة واحيانا كثيرة تحتوى على اللحمة المفرومة الا انه حاليا تم ابتكار الكثير جدا من انواع البيتزا والتى من الممكن ان تحتوى على : الفلفل والبهارات - الفطر او المشروم - انواع من السمك - الزيتون والذرة - انواع من اللحوم - الخضروات - البيض - الزعتر . دى بقى البيتزا لكن عمرك سمعتى عن المينى بيتزا . دلوقتى هنعرف مكونات المينى بيتزا وطريقة عملها بجد سهلة جدا
المقــاديـــــر :
اولا العجينة :
3 كوب دقيق + 1 معلقة كبيرة خميرة ناعمة + 1 معلقة صغيرة بيكنج بودر + 3 معلقة كبيرة سكر + 3 معلقة كبيرة حليب مجفف + 1 معلقة صغيرة ملح + 1/4 كوب زيت ذرة + 1 كوب ماء دافىء جدا .
ثانيا الحشو :
1 معلقة كبيرة زيت + 1 بصلة صغيرة مفرومة + 6 اصابع نقانق معلب (هوت دوج) مفروم ناعم + 1/2 معلقة صغيرة ملح
+ 1/4 معلقة صغيرة فلفل اسود + 2 معلقة كبيرة بقدونس مفروم + 2 معلقة كبيرة كزبرة مفرومة + 1 حبة طماطم كبيرة مفرومة
+ 1 معلقة كبيرة اورجانو + 1/2 كوب جبن كاسات + 1/2 كوب كاتشب + 1 كوب جبن موزاريللا مبشور .
طـــريقــــــــة التحضيــــــــــــــر
العجينة :
* ضعى محتويات العجينة فى وعاء الخلاط وثبتى المضرب وشغلى 4 - 5 دقيقة حتى تحصلى على عجينة ناعمة .
* شكلى العجينة على شكل كرة وضعيها فى طبق واسع مدهون بالزيت وادهنى سطح العجينة بالزيت .
* غلفى العجينة بالنايلون وسبيها فى مكان دافىء عشان تتخمر وحجمها يتضاعف .
* افردى العجينة على سطح مرشوش بالدقيق بسمك 1/4 سم .
* بواسطة قطاعة بسكويت مدورة او فنجان شاى قطعى العجينة الى 20 دايرة متساوية .
* رتبى الدوائر على صينية متباعدة واتركيها لمدة 10 دقائق حتى يتضاعف حجمها مرة اخرى .
الحشو :
* سخنى الزيت فى مقلاة متوسطة ثم اضيفى البصل حتى يلين قليلا ثم ابعديه عن النار .
* اضيفى الماح والفلفل والنقانق والبقدونس والكزبرة والطماطم والاويجانو وجبن الكاسات .
الخطوة الاخيرة :
* سخنى الفرن الى درجة حرارة 180 درجة .
* امسحى قليل من الكاتشب على سطح دوائر البيتزا ووزعى عليها الحشو ثم جبن الموزريللا .
* اخبزى البيتزل لمدة 10 - 12 دقيقة حتى تتحول للون الذهبى ويتحمر الجبن .
* قدميها مباشرة او دافئة وبالهنا والشفا .