طريقة عمل كيكة قدرة قادر

طبعا كلكم هاتستغربوا من اسم الكيكة لكن دي كيكة على طريقة فلسطينية جربيها وهاتعجبك قووووووي.......
مقادير كيكة قدرة قادر

_"خليط الكراميل":
نص كوب سكر_2 ملعقة صغيرة ماء وعصير ليمون
قطعة زبدة صغيرة
_"خليط الكريمة":
4بيضات_نص كوب سكر_ملعقة صغيرة فانيليا سائلة
3 كوب لبن
_"خليط الكيكة":
كوب ونص دقيق_ 4 بيضات_3/4 كوب سكر
ربع كوب زبدة_3/4كوب لبن
ملعقة صغيرة فانيليا سائلة_ملعقة كبيرة بيكنج بودر

طريقةعمل كيكة قدرة قادر

اول حاجه طبعا هاتسخني الفرن على درجة حرارة متوسطه وتجهزي قوالب الكيك بتاعتك
وبعدين هاتحضري خليط الكراميل: هاتجيبي قالب كيك المتوسط وتحطيه عالنار وتحطي السكر والميه والليمون والفانيليا وتسيبيه لحد مالونه يكون بني وتشليه من عالنار وتسيبيه يبرد.
وبعدين هاتحضري خليط الكريمة: هاتجيبي كل مكونات الكريمه وتحطيها في الخلاط وتضربيها كويس خالص لحد مايتكون عندك خليط برغوة وبعدين تجيبيها وتحطيه على الكراميل بس تتأكدي ان الكراميل بردت.
وهاتحضري الكيكه: طبعا هاتحضري كل مكونات الكيكه وتضربيهم ببعض كويس لحد مايتكون عند خليط مناسب
وبعدين هاتجيبي خليط الكيكه وتحطيه على الكراميل والكريمة وبعدين هاتجيبي قالب كيك اكبر من اللي حطيتي فيه الخليط وتحطي فيه القالب وتمليه ميه وتحطيه في الفرن وهاتسيبيه في الفرن ساعه الا تلت وبعدين تتأكدي من انها استوت بالسكينه وبعدين تسيبيها تبرد خالص وتقلبيها في قالب تقديم طبعا هتلاقي الكيك وفوقيها الكريم كراميل وبعدين تحطيها في التلاجه لحد ماتبرد وتقدميها باردة .. وبالهنا والشفا...