طريقه عمل كفته الباذنجان-طريقه جديده لعمل البتنجان

لكل وحده بتحلم تقدم كل جديد فى مطبخها وللاسرتها ولعزومتها
النهارده جيبلكو طريقه عمل كفته الباذنجان وهي طعمها جميل ومختلف هتعجبكو
المقادير :-
- نص ك لحمه مفرومه
- 1 ك باذنجان رومي
- 1 بصله مفرومه
- 2فص ثوم
- 2 طماطم مبشوره
- بقدونس
- بهارات وملح وفلفل اسود

طريقه عمل كفته الباذنجان

- نبداء نقشرالباذنجان بعد كده نقطع الباذنجان شرائح طوليه ونبتدي نقلي الباذنجان في طاسه كبيره وناخد بالنا من التحمر ويبقه لونها فاتح دهبي وبنطلعها في طبق في مناديل بتشرب الزيت ...معلومه في تحضير الباذنجان زي ما كلنا عارفين يفضل اننا نحطه في ميه وملح قبل التحمير علشان ما يخدش زيت كتييير ويبقه ليه طعم وبيكون شرب الملح
- تاني خطوه اللحمه بتكون مفرومه وبنبداء نتبلها بنحط البصل وبيكون مفروم ونضيف الثوم والطماطم المبشوره جزء منها نصها يعني ونقطع البقدونس ونضيفه حسب الكميه والتوابل بتعتنا الملح والفلفل الاسود وتوابل اللحمه والبهارات ونبتدي نخلط الخليط كله مع بعض كلها بعد كده نصبع الكفته بعرض الباذنجانه نحطها في الدقيق بعد كده نشوح الكفته الي احنا صبعنها في زيت علي النار لغيط ما تتبل وتكون اللحمه استوت بنسبه كبيره وممكن نحمرها في القلاية حسب الي موجود عندنا
- تالت خطوه بعد تحمير الكفته بنجيب الصنيه وفيها زيت ونرش فيها الجزء الي احنا سبنه من الطماطم المبشوره بعد كده نجيب الباذنجان ونحط الكفته فوق الباذنجان ونبتدي نلفها بشكل الكفته ونحط في الصنيه وتكون الاطرف من تحت علشان تكون مقفوله كويس ومتتفتحش معانا لغيط لما نخلص الكميه كلها وتبقه جمب بعضها وماسكه بعضها
- اخر خطوه نكون مجهزيين الفرن وتبقه سخنه ونحط الصنيه في الفرن علشان تتسبك مع بعضها المكونات كلها مستويه بس عايزين الطعم يبقه متسبك مع بعضه لمده 30 دقيقه وتتقدم بعد كده وهي سخنه بس ... ويارب تعجبكو