كل ست بيت وخصوصا اللى عندها اولاد فى المدرسه اكيد بتستهلك كميه من العيش الفينو وطبعا لما بنشتريه من برا بيبقى غالى جدا وكميته قليله وكمان بصراحه هو مفيد وبيفيد فى الفطار والسندوتشات وغيره وكمان الاطفال بتحبه جدا
وهعرضلكم دلوقتى طريقه بسيطه تقدرى تعملى بيها العيش الفينو فى البيت وبسهوله كما وهنشوف المقادير والطريقه مع بعض:
المقادير :
نصف كيلو دقيق
ملعقه كبيره خميره
ملعقه كبيره بيكنج بودر
نصف كوب زبده
رشة ملح صغيره
نصف كوب زبادى
الطريقه:
هتعجنى المقادير دى كلها مع بعض كويس وبعدين تسيبى العجين يخمر لمدة نصف ساعه كدا تقريبا
بعدين تبداى تقطعى العجين على شكل صوابع بحجم الفينو اللى انتى عيزاه وترصيه فى صوانى
وتخليه يخمر تانى ربع ساعه وبعدين تدخليه الفرن واول ما يستوى طلعيه وغطيه بفوطه علشان منشفش منك
وبالف هنا
دمتم بود