وقد كان صلى الله عليه وسلم يحنك بالتمر الممزوج بريقه الشريف صلى الله عليه وسلم المواليد من ابناء المسلمين ومن اشهر انواع التمور فى العالم تمر المدينة المنورة حيث ورد فيه الاحاديث النبوية العديدة ومن هنا اقدم لكم صنفا من اصناف الفطائر وهو " فطيرة محشوة بالعجوة " وهى تعد غذاء "طعام" وحلوى ولذيذة ومفيدة للاطفال على وجه الخصوص وقبل ان اقدم المقادير اقدم طريقة تجهيز العجوة فى المنزل وواكيد ستكون افضل وانظف واضمن واقتصادية عن التى من السوبر ماركت واليكى المقادير : اى مقدار تمر يكون زيادة عندك قومى بتجهيزة بالتخلص من النواة وبعد كده قومى بغمره فى ماء مغلى لمدة من عشر دقائق الى ربع ساعة فقط لا تزيدى علشان يطرى وتقدرى تفرميه وبعد كده صفيه كويس من الماء واعصريه كويس من ميته علشان يصبح متماسك معاك ثم اطحنيه فى الكبة او المفرمة كويس قوى وبعد كده اضيفى عليه شوية زبدة او زيت زيتون او زيت ذرة وكمان قليل من ريحة كعك او فانيليا و شوية قرفة علشان تديكى طعم ونكهة حلوة وممكن تكتفى بالقرفة واعجنيهم كويس قوى لحد لما تبقى معاكى عجينة طرية وجاهزة للاستخدام وبكده تبقى عندك العجوة ناجى للفطيرة بقى
مقادير الفطيرة بالعجوة
&نصف كوب حليب &بيضتان &نصف كوب سمن &2كوب دقيق &ذرة ملح &ملعقة صغيرة فانيليا &ملعقتان صغيرتان بيكنج باودر & شوية سمسم
الطريقة
- ينخل الدقيق بعد اضافة الملح البيكنج باودر اليه
- ضعى السمسم على الدقبق ثم السمن وقلبى الخليط جيدا حتى يتداخل وتصبح لديكى عجينة طرية تصلح للفرد - افردى العجينة وقطعيها قطع متساويه على شكل مستطيل وضعى قطعة من العجوة بداخل كل قطعة من العجين
ولفى المستطيلات لتصبح مثل العصا ثم اجعلى المستطيل مثل الدايرةاو حسب رغبتك
وادهنى الوجه بالبيض الممزوج باللبن والفانيليا - رصى الدوائر فى صينية مدهونة بالسمن وضعيها فى فرن متوسط الحرارة حتى تنضج ويحمر الوجه وباهنا