السلام عليكم ورحمه الله وبركاته
لكل الاعضاء وزوار منتدى نجوم مصريه الكرام ولكل عشاق وحبيبين الشاورما النهارده جيبالكم طريقه لذيذه لعمل الشاورما وتعتبر الشاورما من الاكلات المغذيه جدا والمفضله والمحبوبه لدى الكبار والصغار واليكم اجمل واسهل واسرع واطعم طريقه لعمل الشاورما بخطوات سهله وبسيطه اتمنى ان تنال اعجابكم ورضاكم
المكونات
لحمة او صدور فراخ متقطعه شرايح+علبة زبادي+عصير ليمون+4 فصوص توم
خل بلسمك او عادي+معلقة حبهان مطحون+معلقة قرفة مطحونة+معلقتين فلفل اسود+معلقة كزبرة ناشفة مطحونة+ملح+معلقتين زيت
الطريقة
تتبلي اللحمة او الفراخ في هذه التتبيلة لمدة 12 ساعه او من بالليل لحد الصبح عشان الخلطة تتغلغل جوة اللحمة وبعدين تجيبي صينية تحطي فيها اللحمة بتاعتك وعليها معلقتين زيت وتحطي الصينية في فرن متوسط لحد ما اللحمة تستوي بتاع تلت ساعه او اقل هي اصلا مش هتاخد وقت عشان منقوعه في الخل وهي اصلا متقطعه رفيع وبعد ذلك تطلعيها من الفرن هيتبقي فيها شوية صوص تحطيها علي عين البوتاجاز لحد ما تشرب الصوص بتاعها وتجيبي عيش شامي اولبناني وخيار مخلل و بقدونس وسلطة طحينه تكون سايل نوعا ما
