كل عام وانتم بخير بمناسبة اقتراب عيد الحب يارب يكون عيد حب سعيد على الكل
انا انهاردة جبتلكم معايا طريقة لطيفة اوى وشيك وطبعا لذيذة خالص لعمل "كوكيز بالمربى لعيد الحب" ممكن طبعا نستخدم مربى الفراولة او التوت او اى مربى بس احنا طبعا عاوزيين مربى حمرا زى برضه مربى الكرز الاحمر علشان تبقى شيك لما نعملها فى عيد الحب وممكن نعملها ونزينها ونبعتها لاى شخص عزيز علينا بنحبه فى عيد الحب يلا معايا نشوف الوصفة
مقادير الوصفة
علبة كيك فراولة أو فانيليا جاهزة.
100 جرام زبدة .
نصف كوب جبنة كيري.
بيضة واحدة.
ملعقة صغيرة فانيليا .
نصف كوب مربى فراولة.
5 حبات فراولة طازجة.
كوب شوكولاتة m&m
طبعا مش هتلاقى اسهل من كدا مقادير
نشوف الطريقة مع بعض
- اخلطي الزبدة والجبنة والبيضة والفانيليا جيدا
- اضيفي دقيق الكيك واخلطي المقادير جيداً إلي ان تحصلي علي خلطة ثقيلة جدا.
- مددي العجين على صينية، وقطعية على شكل قلوب صغيرة، عن طريق القالب.
- رتبي القطع علي ورق الزبدة بصينية الفرن على ورق الزبدة بصينية، وضعيه بالفرن لمدة 10 دقائق، على درجة 180.
- اخرجي الصينية وانتظري ليبرد قليلاً، ثم أضيفي مربى الفراولة في منتصف كل قطعة وضعيها على شكل قلب.
- اضيفي نصف حبة فراولة طازجة فوق المربى للزينة، وبعدها يصبح جاهز للتقديم.
للزينة:
يمكنك إضافة قطع شوكلاتة m&ms لتعطي مظهراً شهياً.