اسهل طريقه لعمل اطعمه الشيبسى المختلفه فى البيت

السلام عليكم. طبعا كل اولادنا بيحبو ياكلو الشيبسى اللى بيتباع فى المحلات لاطعمته المختلفه و النكهات.

ومن خوفنا عليهم نفسنا نعملهم الحاجه دى فى البيت .

النهارده جبتلكم طريقه تقدرو بيها تعملو اى طعم شيبسى مطلوب فى البيت وهى طريقه سهله وبسيطه خالص. وتقدرى تجهزيها فى نص ساعه بس.

الطريقه دى صالحه لاى طعم مطلوب و فى اى وقت جربتى و مش نفعت ردى علينا و هنقولك الغلط فين.

نتمنى تجربوها و تعجب اولادكم

الطريقه لعمل الشيبسى المقرمش بطعم الخل :-

1 كوب خل

1 كيلو بطاطس (مقطعه شيبسى)

ملح (حسب رغبتك)

بهارات (حسب رغبتك)

الطريقه

تنقع البطاطس فى كوب الخل لمده ربع ساعه

يرش الملح والبهارات على شرائح البطاطس

نحط شرائح البطاطس فى صينينه و ندخلها الفرن لحد ما تبقى مقرمشه

عشان نعمل اى طعم تانى هننقع البطاطس فيه بدل الخل يعنى لو مثلا شطه و ليمون يبقى هننقع البطاطس فى كوب لمون عليه معلقه شطه لمده ربع ساعه و هكذا