المقادير
كوب عدس مغسول
طمطمايه مقطعه مكعبات
بصله كبيره مقطعه شرائح بالطول
بطاطسايه مقطعه مكعبات
معلقة توم مهروس او خمس فصوص توم مفتوحين عشان الطعم يظهر
جزرايه مبشوره
معلقة زبده ومعلقة زيت
كوبايتين مايه او حسب ما تحتاج
ملح وفلفل اسود وبهارت وزعتر وكمون وكسبره ناشفه وكارى ونص مكعب مرقه والتوابل حسب الرغبه بس كانت مديه طعم رهيب
للعيش المحمص رغيف عيش بلدى متقطع مكعبات ومعلقة سمن بلدى بجيب طاسه واحط فيها السمن البلدى واحط العيش لغاية ما ينششف ويتحمص بيبقى طعمه يجنن
طريقة العدس اول حاجه بجيب حله حجمها مناسب
واحط فيها الزبده والزيت وبعد كده انزل بالبصل ياخد الطشه بتاعت الزبده وبعدين التوم وبعدين البطاطس وبعدين الطمطام وبعدين العدس وبعدين التوابل كلها والملح وافضل اقلبهم شويه حوالى خمس دقايق وبعدين احط الميه واسيبه يستوى وبعد ما يستوى اجيب طاسه فيها حتة زبده واحط عليها التوم وشوية كسبره ناشفه وحبة كومن وانزلها على العدس وهو فى الحله اللى هى الطشه بتاعته وبعدين اخد كل ده فى الخلاط واضربه كويس وبعدين اقدمه فى الطبق واحط العيش المحمص على الوش وبالهنا والشفا
